Almaty oblysynyń jáne Ile Alataýynyń injý-marjany – Esik kóliniń jaǵasynda “Móldir bulaq” uranymen ótip jatqan “Taza Qazaqstan” respýblikalyq ekologiialyq aktsiiasynyń besinshi aptalyǵy bastaldy, dep habarlaidy Dalanews.kz.
Jas eriktiler men jaqyn mańdaǵy aýyl turǵyndary, jáne qoǵam belsendileri, oblys ákimi Marat Sultanǵazievpen birge Esik ózeniniń mańynda senbilik ótkizdi.
“Móldir bulaq” aktsiiasy – óńirdiń sý resýrstaryna qamqorlyǵy bolyp tabylady. Almaty oblysynda 310 gidrotehnikalyq qurylys bar; onyń ishinde 72 sý qoimasy, 112 toǵan, 13 bóget pen damby, 14 aýyzsý toraby jáne 99 magistraldy kanaldar. Dál osy sý joldary egis alqaptary men qalalarǵa nár berip, óńirdiń tynys-tirshiligin qamtamasyz etedi.
Alǵashqy kúni oblystyń barlyq aýdandarynda marafondar, jarystar jáne fleshmob formatynda 50-den astam senbilik ótti. Aktsiiaǵa qatysýshylar Uzyn-Qarǵaly, Talǵar, Qarqara, Sharyn, Qaskeleń, Úlken Almaty syndy ózender arnasynyń jaǵalaýlaryn tazartty.
“Móldir bulaq” aktsiiasyn Prezidentimizdiń joldaýy boiynsha estigennen keiin biz de qatysaiyq dep sheshtik. Óitkeni, úiimizge qonaq bop kelgen týys-týǵan, dos – jaran osy "Esik kóline baryp qaitaiyqshy", - dep ótinish jasap jatady.
Sondyqtan bizdiń aýdanymyzda ornalasqan Esik kóli taza, ádemi bolyp jarqyrap turǵany biz úshin óte mańyzdy ǵoi. Sondyqtan da osy aktsiiaǵa qatystym”, - dedi Túrgen aýylynyń turǵyny Esendos Asýbai.
“Taza Qazaqstan” aktsiiasy bastalǵaly Almaty oblysynda aýqymdy jumystar atqaryldy. Oblystyń 500 myńnan astam turǵyny aýmaqtar men aýlalardy tazalaýǵa, tarih jáne mádeniet eskertkishterin abattandyrýǵa, aǵash kóshetterin otyrǵyzýǵa, kóshetterdi ákteýge qatysty. Ardagerler men qarttar úiiniń aýlalarynyń aýmaqtaryn retke keltirýge kómektesý úshin eko brigadalar uiymdastyryldy.
“Móldir bulaq” aktsiiasyn osy kólden bastaǵandy jón kórdik. Óitkeni bul óte mańyzy zor kól. Ol bir jaǵynan aýyz sý, ekinshi jaǵynan bizdiń osy sýarmaly jerlerdi qamtamasyz etetin kól. Úshinshi jaǵynan biraz kaskadty GES-tarymyz bar. 
SKL Jeke kásipkerlerde bolǵan, byltyr sot arqyly muny memleket menshigine qaitardyq. Endi kóldiń jaǵdaiyn kórip tursyzdar, biraz jerin qum basyp ketken.
“Móldir bulaq” aptalyǵy aiasynda oblystaǵy ózender, kólder, kanaldar men sýarý stansalarynyń ainalasyn qoqystan tazartýdy josparlap otyrmyz”, – dedi oblys ákimi oblys Marat Sultanǵaziev.
