Qatelespesem, túneýkúngi Sberge qatysty Muhtar Taijannyń postyn aldymen Ulysmedia.kz kóshirip basty. Taijannyń atynan "Sber-men at-quiryǵyn úzistik" degen syńaida aqparat taratty-aý.
Ulysmedia-nyń biýdjetimen Taijanǵa kopipast jasaǵansha, ministr Mýsinge tikelei shyqsa bolar edi. Biz sekildi qońdy quryltaishysy joq, óz kúnin ózi kórgen sait bolsa bir jón.
Másele munda emes, Ulusmedia-ǵa soqtyǵyp otyrǵandai kórinbeiin. Áitse de jazbanyń túp ózegine úńilmeýdiń saldary jurtty adastyrýǵa uryndyrdy. Ári qarai álgi aqparaty álemjelidegi jurt qaǵyp áketti.
Aqparattyń túp qainary - Taijannyń paraqshasy dep tur. Ainalyp kelgende Muqań krainii bolyp qaldy.
Muhtar Taijannyń jazbasyn jańsaq túsingen jurt kimdi jazǵyraryn bilmei seńdei soǵylysty. Bul tusta Ulysmedia-ǵa silteme jasaǵan, taǵy birneshe sait álgi aqparatty atoilatyp, jariialap jiberdi.
Negizinde Taijannyń aýzynan "Bizdiń eGov reseilik "Sberge" berilmeitin boldy" degen sóz shyqty ma? Joq.
Onyń jazbasyn shala oqymaǵan sekildi edim.
"Sberbank ne býdet zanimatsia dalneishei tsifrovizatsiei Kazahstana". "Dalneishei!" dep tur.
Demek, bul jolǵy tsifrlandyrýdy "meiliń tiril, meiliń ól" Sber bastap, Sber aiaqtaidy. Bizdiń bilik Egov-tyń ornyn almastyrar jańa plaftormanyń sulbasyn satyp alady Sberden.
"Ári qarai bul máselemen tek qazaqstandyq IT kompaniialar shuǵyldanady. Eldiń bul baǵyttaǵy saiasatyna reseilik kompaniialar tumsyq tyqpaityn bolady. Qazaqstan azamattarynyń jeke deregi syrtqa taramaidy.
Sonymen qatar, 500 mln dollar tóńiregindegi qarjy da ishinara el ishinde qalmaq".
Taijan sói degen sekildi edi. Álde jer daýy, piiaz daýynda kegi ketkender mundai sátti múlt jibermeiin dedi me? Bul endi bólek áńgime...
Al Mýsinge qarasty ministrlik jurtqa edel-jedel aqparat taratyp úirengeni jón-aý. Sonyń ózi Sberdiń tóńiregindegi talqylaýdy adekvatty arnaǵa baǵyttaýǵa sep bolar ma edi.
Másele ministrliktiń sheshimin aqtap, maqtaýda emes, shynaiy, udaiy aqparat taratýǵa tirelip tur dál qazir!
Shyny kerek, sarapshyǵa kende emespiz. Reseidiń repýtatsiiasyn árkim biledi.
"Sbermen aýyz jalaspaý kerek. Munyń arjaǵynda Kremldiń sýmaqai saiasaty tur..." dep talai spikerdi sóilettik.
Ainalyp kelgende áńgimeniń túiini soǵan tireledi.
Al osy tóńirektegi aqparatqa zárýmiz. Al álgi jazbany apyl-ǵupyl kóshirip, taqyrybyn aiǵailatyp qoiǵan saittar eldiń aldynda aiypty.
Dýman BYQAI
Avtordyń áleýmettik jelidegi paraqshasynan alyndy
