Onyń aitýynsha, Jer reformasy jónindegi komissiia 11 sheshim qabyldaǵan.
"Búgingi talqyǵa salynatyn zań jobasy erekshe mańyzdy. Ózderińizge málim, ótken jyly bul zań barlymyzǵa aýyr tidi. Ókinishke qarai, keibir azamattar qazaq halqynyń dilin, mentalitetin túsinbei «jerdi sataiyq» dep shyǵa keldi. Halyq oǵan qarsy bolyp, minezin kórsetti. Muny Elbasy kórip túsindi. Ol arnaiy komissiia qurdy. Qurylǵan jer komissiiasy bul máseleni birneshe ai aqyldasyp, talqylap 11 sheshim qabyldady. Búgingi zań jobasynda sol komissiianyń sheshimderi daiyndaldy", - dedi ol.
Sondai-aq, ol osy komissiianyń quramynda jumys istegenin tilge tiek etti.
"Keiin komissiianyń osynda otyrǵan QR Aýyl sharýashylyǵy ministrliginiń mamandarymen birge osy zań jobasyn daiyndadyq. Bul jerde alǵysymdy bildirgim keledi. Úlken kúrdeli jumys atqaryldy. Zań boiynsha biz qabyldaǵan hattamaǵa 100 paiyz cáikes keledi. Oǵan men kepil beremin. Ózim de osy jumysqa qatystym", - dedi Muhtar Taijan.
Al Konstitýtsiianyń 26-babyna qatysty Muhtar Taijan bylai dedi:
"Konstitýtsiiadaǵy ózgeristerge sáikes 26-bap ózgereiin dep jatyr. Meniń oiymsha, osy bapty sol qalpynda qaldyrý kerek. Óitkeni, bul usynys óte kúmándi. Latifýndisterge osy zańnyń ishinde naqty normalar bar. Ony Erlan Nysanbaev (QR Aýyl sharýashylyǵy vitse-ministri avtor) aityp ketti. Iaǵni bir adamǵa nemese bir firmaǵa beriletin jerdiń kólemine shekteý bolady. Ol óte mańyzdy. Óitkeni, latifýndizm degen uǵymdy biz joiyp tastaýymyz kerek. Jer halyqqa timei aýylda jumyssyzdyq bolady. Sondyqtan biz oǵan arnaiy nazar aýdaǵanymyz jón. Jer tek Qazaqstan azamattaryna ǵana beriledi".
https://www.youtube.com/watch?v=zcJ_vHuL_Pg&feature=youtu.be
