Astanada ótip jatqan Jer reformasy jónindegi komissiianyń otyrysynda, Muhtar Taijan moratoriidi 5 jylǵa uzartý óte oryndy sheshim degen pikir aitty.
Bul týraly bnews.kz habarlaidy.
«Bizdiń komissiiamyzdyń jumysy jemisti boldy dep esepteimin. Úsh aidyń ishinde osyndai sheshimge keldik. Jasyratyny joq, bul usynysty biz de talqyladyq. Menińshe, mundai sheshim búgin qabyldansa, onda halyqtyń kóńilinen shyǵady. Sebebi, bes jyl boiy jer eshkimge satylmaidy, sheteldikterge jalǵa berilmeidi. Halyqtyń qalaýy sol boldy. Al bes jyldan keiin taǵy da biz aman bolsaq, taǵy da qarastyryp jatarmyz»,-deidi M.Taijan
Onyń aitýynsha, komissiia osy úsh aidyń ishinde az jumys atqarǵan joq. Birqatar, asa mańyzdy sheshimder qabyldanǵan. Áli de birqatar máselelerdiń basy ashyq.
«Komissiia bes jyl jumys istei almaidy, sondyqtan jumysshy top qurý týraly bir sheshim qabyldaýymyz kerek. Parlamenttiń ishinde bul usynystardy túsindirý, kerek bolsa qorǵaý úshin jumys toby jumys isteýi kerek. Tóraǵa aityp ketkendei, úsh aidyń ishinde latifýndizmge qarsy, jaiylym jer týraly, basqa da durys sheshimderdi qabyldadyq. Biraq, menińshe, kadastr týraly biz naqty sheshim qabyldaýymyz qajet. Jer kimniń qolynda, kim paidalanyp júrgenin biz ashýymyz kerek. Bul jeke málimetter týraly zańǵa qaishy kelip tur. Biraq aqparat týraly zańda aýyl sharýashylyǵyna qatysty aqparat ashyq bolý qajettigi jazyldy. Zańgerlermen aqyldasyp, kerek bolsa zańdardy ózgertip, jer kimniń qolynda ekenin jariialaý kerek», - dedi Jer reformasy jónindegi komissiianyń quqyqtyq tobynyń jetekshisi M.Taijan.
Sondai aq, M.Taijan jerin sheksiz súietin el men Elbasyǵa úlken alǵys bildirdi.
«Meniń oiymsha, birinshiden, patriottyq sezimin kórsetken halyqqa rahmet aitýymyz kerek. Ekinshiden, Prezidentke alǵys aitý kerek. Óitkeni halyqtyń pikirin estip, túsinip, moratorii jariialap, komissiia qurdy. Ol da óte oryndy sheshim boldy. Úshinshiden, komissiia múshelerine rahmet aitamyn»,-dedi M.Taijan.
