Taiaý Shyǵystaǵy jaǵdaidyń shielenisýine bailanysty qazaqstandyq áýe kompaniialary reisterdi ýaqytsha toqtatty, dep habarlaidy Dalanews.kz.
“2025 jyly 24 maýsymdaǵy jaǵdai boiynsha Taiaý Shyǵystaǵy áskeri-saiasi ahýaldyń kúrt shielenisýine bailanysty birqatar elde resmi túrde shekteýler engizilip, azamattyq aviatsiiaǵa arnalǵan áýe keńistikteri jabyldy. Májbúrli sharalar qarýdy qoldaný qaýpi, navigatsiialyq júielerdiń durys jumys istemeýi, áýe qorǵanysy júieleriniń belsendiligi jáne azamattyq áýe kemeleriniń ushýy úshin joǵary táýekelderge bailanysty qabyldandy”, — dep habarlady Kólik ministrligi.
Sońǵy málimetke sáikes, shekteýler kelesi elderde qoldanylady:
- Izrail áýe keńistigi tolyq jabyq;
- Iran áýe keńistigi tolyq jabyq (onyń ishinde Parsy jáne Oman shyǵanaqtary);
- Irak, Iordaniia, Livan — zymyran men dron shabýyl qaýpine sáikes ushýlardy ýaqytsha shekteý;
- Kýveit, Bahrein, BAÁ — reisterdi shekteý jáne toqtatý, ishinara qaqtyǵys aimaǵyna jaqyn marshrýttardy buǵattaý.
“Iri halyqaralyq aviatasymaldaýshylar da reisterdi ýaqytsha toqtatty. Olardyń qatarynda Air France-KLM, United, American Airlines, Japan Airlines, Air Canada
Dýbai, Doha jáne Er-Riiadqa ushýdy toqtatty. Qatar Airways ushý kestesin retteidi. Etihad resmi eskertý jasady. Emirates qaqtyǵys aimaǵyn ainalyp,ushýdy jalǵastyrýda”, — dedi ministrlik.
Aitýlarynsha, osyǵan bailanysty qazaqstandyq áýe kompaniialary qaýipsizdikti qamtamasyz etý maqsatynda Dýbai men Doha qalalaryna birqatar reisti ýaqytsha toqtatty.
“Demek elimizden shetelge shyqpaq bolǵan adam sany 683 bolsa, shetelden elge oralatyn adam sany — 1051. Jalpy alǵanda bul jaǵdai 1 734 jolaýshyǵa áser etti.
Qazaqstandyq aviakompaniialardyń Parsy shyǵanaǵy elderine ushýǵa baǵyttalǵan reisterdi toqtata turýy aimaqtaǵy áskeri-saiasi jaǵdaidyń kúrt shielenisýine negizdelgen májbúrli shara.
Áýe kompaniialary qabyldaǵan sheshim halyqaralyq tájiribege sáikes qabyldandy. Basty maqsat — jolaýshylar men ekipaj músheleriniń qaýipsizdigin qamtamasyz etý”, — dedi ministrlik.
Qoldanystaǵy zańnamaǵa sáikes jolaýshylar ystyq tamaqpen, qonaq úi jáne transfermen qamtamasyz etildi.
“Toqtatylǵan nemese keiinge shegerilgen reister boiynsha jolaýshylar tegin qaita bron qoia alady nemese áýe biletteriniń qunyn tolyq qaitaryp ala alady.Kólik ministrligi aviakompaniialarmen birlesip jaǵdaidy jiti baqylaýda, qajet bolǵan jaǵdaida jedel sheshim qabyldap, kesteni qaita qaraý jumysy júrgiziledi. Reister jaqyn arada qaita júzege asyrala bastaidy dep kútilýde”, — dep tolyqtyrdy ministrlik.
Qosymsha aqparat alý úshin kelesi nómirlerge habarlasý qajet:
Air Astana
help.airastana.com
+7 727 244 4477 (24/7)
+7 7172 584477 (24/7)
+7 702 702 4477 (24/7)
+7 7272 44 44 78 (24/7)
WhatsApp: +7 702 702 00 74 (24/7)Online chat: airastana.com (24/7)
SCAT
+7 7252 99 88 80
+7 701 738 25 76
Qazaqstannyń aviatsiialyq ákimshiligi
+7 7172 79 82 15
