Taiaý Shyǵys – AQSh pen Resei arasyndaǵy arpalys
Ótken aptada Resei bombylaýshy ushaqtary sodyrlardyń Siriiadaǵy pozitsiialaryna shabýyl jasaý úshin Irandaǵy aviabazalardan ushyp shyqty. AQSh memlekettik departamenti munyń ózderin tań qaldyrmaitynyn kórsetetin túr tanytty, shyn máninde ol qairan qalýǵa tiis edi, dep jazdy The Washington Post osyǵan orai.
Basylym atap kórsetkendei, qazir Taiaý Shyǵystaǵy ahýal barynsha qarqyndy qimylmen ózgeriske túsip barady. Buǵan deiin 40 jyl boiy AQSh pen Egipet aliansy baqylaýǵa alyp turǵan aimaqtaǵy oqiǵalarǵa endi Resei men Iran egelik ete bastady. Avtordyń pikirinshe, bul – Barak Obamanyń basshylyǵymen AQSh-tyń Iranmen iadrolyq kelisim jasasýǵa, Iraktan áskerlerdi shyǵarýǵa jáne Siriiada «barynsha is-qimylsyz júrýge» jibergen segiz jyldyq sheginisteri men qysqartýlarynyń nátijesi.
Maqala avtory sonymen qatar Resei prezidenti Vladimir Pýtinniń Taiaý Shyǵystaǵy tabystaryn tańdanyspen atap kórsetedi. Ol alyp Keńes Odaǵy taraǵannan keiin, birneshe jylyn ishki soǵystarǵa arnaǵannan keiin álsirep qalǵan Reseidi basqarýdy qolyna alǵan memleket basshysy oǵan jurttyń sanaspaýyna bolmaitynyndai uly derjava mártebesin alyp bergenin moiyndaidy.
Sholýshy osy jerde Pýtinmen salystyrǵanda, Obamanyń osy segiz jyldyń ishinde eshqandai sheshýshi is-áreket jasai almaǵanyn, munyń ornyna áldeqandai bir halyqaralyq arbitrdyń rólin atqaryp, «bári de qarbalas» qaǵidatymen ómir súrgenin atap ótti. Sonyń nátijesinde «Ýkraina bólshekke túsip ketti, Shyǵys Eýropa qurdymǵa keter aldynda tur, Siriia qańqaǵa ainaldy, Iran Irakty jutyp bara jatyr, Resei men Iran Taiaý Shyǵystyń soltústiginde shabýyl jasaýǵa kóshti».
Murat AITQOJA
