تاياۋ شىعىس – اقش پەن رەسەي اراسىنداعى ارپالىس
ٶتكەن اپتادا رەسەي بومبىلاۋشى ۇشاقتارى سودىرلاردىڭ سيريياداعى پوزيتسييالارىنا شابۋىل جاساۋ ٷشٸن يرانداعى اۆيابازالاردان ۇشىپ شىقتى. اقش مەملەكەتتٸك دەپارتامەنتٸ مۇنىڭ ٶزدەرٸن تاڭ قالدىرمايتىنىن كٶرسەتەتٸن تٷر تانىتتى, شىن مەنٸندە ول قايران قالۋعا تيٸس ەدٸ, دەپ جازدى The Washington Post وسىعان وراي.
باسىلىم اتاپ كٶرسەتكەندەي, قازٸر تاياۋ شىعىستاعى احۋال بارىنشا قارقىندى قيمىلمەن ٶزگەرٸسكە تٷسٸپ بارادى. بۇعان دەيٸن 40 جىل بويى اقش پەن ەگيپەت اليانسى باقىلاۋعا الىپ تۇرعان ايماقتاعى وقيعالارعا ەندٸ رەسەي مەن يران ەگەلٸك ەتە باستادى. اۆتوردىڭ پٸكٸرٸنشە, بۇل – باراك وبامانىڭ باسشىلىعىمەن اقش-تىڭ يرانمەن يادرولىق كەلٸسٸم جاساسۋعا, يراكتان ەسكەرلەردٸ شىعارۋعا جەنە سيرييادا «بارىنشا ٸس-قيمىلسىز جٷرۋگە» جٸبەرگەن سەگٸز جىلدىق شەگٸنٸستەرٸ مەن قىسقارتۋلارىنىڭ نەتيجەسٸ.
ماقالا اۆتورى سونىمەن قاتار رەسەي پرەزيدەنتٸ ۆلاديمير پۋتيننٸڭ تاياۋ شىعىستاعى تابىستارىن تاڭدانىسپەن اتاپ كٶرسەتەدٸ. ول الىپ كەڭەس وداعى تاراعاننان كەيٸن, بٸرنەشە جىلىن ٸشكٸ سوعىستارعا ارناعاننان كەيٸن ەلسٸرەپ قالعان رەسەيدٸ باسقارۋدى قولىنا العان مەملەكەت باسشىسى وعان جۇرتتىڭ ساناسپاۋىنا بولمايتىنىنداي ۇلى دەرجاۆا مەرتەبەسٸن الىپ بەرگەنٸن مويىندايدى.
شولۋشى وسى جەردە پۋتينمەن سالىستىرعاندا, وبامانىڭ وسى سەگٸز جىلدىڭ ٸشٸندە ەشقانداي شەشۋشٸ ٸس-ەرەكەت جاساي الماعانىن, مۇنىڭ ورنىنا ەلدەقانداي بٸر حالىقارالىق اربيتردىڭ رٶلٸن اتقارىپ, «بەرٸ دە قاربالاس» قاعيداتىمەن ٶمٸر سٷرگەنٸن اتاپ ٶتتٸ. سونىڭ نەتيجەسٸندە «ۋكراينا بٶلشەككە تٷسٸپ كەتتٸ, شىعىس ەۋروپا قۇردىمعا كەتەر الدىندا تۇر, سيرييا قاڭقاعا اينالدى, يران يراكتى جۇتىپ بارا جاتىر, رەسەي مەن يران تاياۋ شىعىستىڭ سولتٷستٸگٸندە شابۋىل جاساۋعا كٶشتٸ».
مۇرات ايتقوجا
