Kúzde kelgin!
Qarsy aldyńnan tabylar izdegeniń.
Japyraqtyń kóresiń áli-daǵy,
Tirshilikten kúderin úzbegenin.
Oılandyrar shaq qoı bir - kúz degeniń.
Oılandyrar kúz degen - kishi besin,
Kún tóbeńnen aýǵanyn túsinesiń.
Eski jurtty kórgende jaılaýdaǵy,
Qulyn da joq jelide baılaýdaǵy,
Shydap baqqyn, bir sátke músirersiń!
Jazyndy eske jabyǵyp túsirersiń.
Jadyda kep jalpaq jaz, baq - mekeniń,
Túsinesiń dýmandy shaq ta óterin.
Qulaq túrip, qýraıdyń yzyńyna,
Uǵynasyń ómirdiń tátti ekenin.
Muqaǵalı Maqataev
