Myńdaǵan belsendini Jas ulan" balalar-jasóspirimder qozǵalysynyń qataryna qabyldaý rásimi Semeı qalasynda uıymdastyryldy.
İs-shara aıasynda 100 úzdik oqýshyǵa Ybyraı Altynsarın atyndaǵy № 37 gımnazıanyń matematıka pániniń muǵalimi, «Úzdik pedagog-2020» respýblıkalyq baıqaýynyń jeńimpazy Janar Saǵatbekova, Shákárim atyndaǵy úsh tilde oqytatyn kópbeıindi gımnazıanyń matematıka pániniń muǵalimi, 2021 jyldyń úzdik pedagogy atanǵan Janar Dúrmekbaeva, bilim ardageri Valerıı Adarıchev saltanatty túrde galstýk baılady.
Jasulandyqtar uıym qataryna kirip, saltanatty ant berdi.
Aıta ketelik, «Jas ulan» balalar-jasóspirimder qozǵalysynyń negizgi maqsaty – ultjandy jastar men qoǵamdyq belsendilerdiń jańa býynyn qalyptastyrý.
"Qozǵalys músheleri oqý ozattary, mektep jáne qoǵamdyq sharalardyń belsendi qatysýshylary bolady. Jasulandyqtar sabaqty jaqsy oqıdy jáne barlyq jaǵynan úzdik bolýǵa tyrysady», - dep habarlady qala ákimdigi.
Bul uıymǵa múshe bolýdyń ekideńgeıli júıesi bar. Joǵary býynǵa 5-10-synyp oqýshylary, tómengi býynǵa 1-4-synyp oqýshylary kiredi.
