Táýelsizdik umyt bolǵan mádenietimizben qaita qaýyshtyrdy
Osy ulttyq mándeni ortalyqtardyń ishinde ózim basqaratyn «Poloniia» poliak mádeni aǵartý qoǵamynda bir kezderi taǵdyr tálkegimen Qazaqstanǵa qonys aýdarǵan 300-den astam poliak otbasy toptasqan. Ortalyq 1997 jyly qurylyp, jyl ótken saiyn Jetisý óńirindegi poliaktardyń salt-dástúrin qaita jańǵyrtý, tilin bilý, taǵy basqa qundylyqtardy úiretý, nasihattaý maqsatynda júmys júrgizip keledi.
Qazaqstanda ulttar dostyǵyna degen aialy alaqandy, qaiyrymdy qamqorlyqty kórýdemiz. Ózim árdaiym Assambleianyń sessiialaryna qatysyp, Elbasymyz Nursultan Nazarbaevtyń bizderge degen shyn nietin, izgiligin kórip, estip bir jasap qalamyn. Búginde Elbasy salǵan sara joldy Prezidentimiz Qasym-Jomart Toqaev ta odan ary qarai óristetip, elimizdegi mádeni ortalyqtardyń jumysyn jandandyrýǵa qoldaý kórsetip keledi.
Poliak ultynyń ókilderi de qazaqtyń jaqsylyǵyn jadyna saqtap, qiyn kezeńde bergen dámine adaldyq tanytyp, ulttyq qundylyqtardy úirenip, ony jastarǵa úiretýdi de nazarda ustap keledi.
Qazaqstan táýelsizdigin alǵannan keiin ana tilimizdi damytýǵa, umytyla basaǵan mádenietimiz qaita túletýge, tarihi otandastyramyzben bailanysymyzdy nyǵaitý múmkindigi týdy. Bul baǵyttaǵy jumystarǵa memleketimiz barynsha qoldaý kórsetip otyr.
Osylaisha qazaq jerin mekendegen ult pen ulystar jergilikti halyqtyń qoldaýynyń arqasynda osyndai jaqsylyqqa kenilip otyr. Qazaq halqyna alǵystan basqa aitarymyz joq.
Natalia MALITsKAIa, «Poloniia» poliak mádeni ortalyǵynyń tóraiymy.
