«Nur Otan» partıasy Qyzdar ýnıversıteti janyndaǵy Almaly aýdandyq «Ulaǵat» bastaýysh partıa uıymy Qazaqstan Respýblıkasy Táýelsizdiginiń 25 jyldyq mereıtoıyna oraı oqý orynnyń táýelsizdik qurdastary bolyp tabylatyn, egemendiktiń aq tańymen 1991 jyly dúnıege kelgen, elimizdiń, oqý ornymyzdyń damýyna óz úlesterin qosyp, qyzmet jasap júrgen úzdik 18 qyzmetkerdi «Nur Otan» partıasynyń qataryna qabyldap, múshelik kýálikterdi tabystady. El táýelsizdiginiń 25 jyldyǵymen ýnıversıtetimizdiń rektory, Almaty qalalyq Maslıhat depýtaty, «Ulaǵat» bastaýysh partıa uıymynyń tóraıymy Dınar Júsipáliqyzynyń atynan quttyqtap, kýálikter men alǵys hattardy tabystaǵan ýnıversıttetiń Bas halym hatshysy Nazıra Sándibaeva oqý orynnyń damýyna erekshe eńbek sińirip kele jatqan jastarǵa mol tabys tilep, «Nur Otan» partıasynyń jobalaryn júzege asyrýda óz tájirıbelerińiz ben bilim-biliktilikterińizdi partıanyń damýy jolynda aıanbaı eńbek etesizder dep senim bildiremin», – dedi.
Shara barysynda partıa músheligine qabyldanǵan jastar: «Biz ýnıversıtetimizdiń partıa músheleri, Elbasynyń salıqaly saıasatyn qoldaı otyryp, memleketimizdiń ósip-órkendeýine óz úlesimizdi qosyp, elimizdiń jarqyn bolashaǵy úshin aıanbaı eńbek ete bermekpiz», – dedi.
El egemendigin alǵan jyly ǵana emes, dál táýelsizdik alǵan 16 jeltoqsan kúni dúnıege kelgen Jastar saıasaty bóliminiń qyzmetkeri Aınara Nurǵojaeva: «Biz baqytty urpaqpyz. Ata-babamyz qanshama jyl ańsaǵan Táýelsizdik kúni dúnıege keldim. Eki ese baqyttymyn. El damýy men gúldenýine aıanbaı eńbek etip, bárimiz birige atsalyssaq Máńgilik qazaq elin birge jasaı alamyz. Qurdastaryma táýelsizdigimizdi baǵalaıyq, qundylyǵyn túsineıik degim keledi. Táýelsizdigimizdiń tuǵyry bıik, elimizdiń egemendigi baıandy bolsyn! Kók baıraǵymyz máńgige jelbireı birsin!», – dedi kýálik alý rásiminde. Rásim sońynda saltanatty sharaǵa qatysqan oqytýshylar jastardy «Nur Otan» partıasy qataryna qabyldanýymen jáne aıtýly merekemen quttyqtap, júrekjardy izgi tilekterin bildirdi. «Ulaǵat» bastaýysh partıa uıymynyń bir jyldyq jumysynyń esebi berilip, arnaıy beınerolık kórsetildi.
Qazirgi tańda ýnıversıtettiń 1250 qyzmetkeri «Nur Otan» partıasynyń músheligine qabyldanǵan. Onyń 180-in ustazdar qaýymy, 870-in stýdentter, 51-in zeınetkerler qurasa, qalǵan 15%-yn bala kútimi boıynsha demalystaǵy qyzmetkerler quraıdy. Partıa uıymyndaǵy ustazdar men qyzmetkerler, stýdentter qaýymy birqatar jumystarǵa belsendilik tanytyp, partıalyq jobalardy júzege asyryp, elimizdiń saıası jumystaryna óz úlesterin qosyp keledi. Partıaǵa qarasty ýnıversıtet stýdentterinen quralǵan «Jas Otan» jastar qanaty uıymynyń jas músheleri de belsendi jumys jasaýda.
Elbasy N.Á.Nazarbaev jetekshilik etetin «Nur Otan» partıasy Qazaqstandyq kóshbasshy partıa ǵana emes, álemdik deńgeıde de baǵyt-baǵdary aıqyn jáne damý barysy daralanǵan bıiktigimen baǵaly bolyp otyrǵan kóshbasshy partıa. «Nur Otan» partıasy alǵashqy qurylǵan kúnnen tyń bastamalar kóterip, jaýapty sheshimder qabyldaýǵa uıytqy bolyp keledi. Ári partıa elmen etene qaınasyp, halyqtyń múddesin jetkizip júrgen birden-bir qoǵamdyq uıym. Partıanyń saılaýaldy tuǵyrnamasy az ýaqyttyń ishinde aıtarlyqtaı jetistikke qol jetkizdi. Búgingi kúni partıa aldyna qoıǵan mindetterdi tıimdi júzege asyrý úshin 9 partıalyq jobany qolǵa alǵan. Bulardyń barlyǵy da halyqtyń kókeıinde júrgen áleýmettik mańyzy bar jobalar. Mysaly, «Bizdiń aýyl», «Ardagerlerdi ardaqtaıyq», «Baqytty balalyq shaq», «Kedergisiz keleshek», «Sátti qadam», «Jemqorlyqsyz el – núldengen el», «Jastar – Otanǵa», «Uly Dala eli», «Jastar kadrlyq rezervi» atty jastardy qoldaıtyn aýqymdy sharalarmen qatar, kásipkerlerdi qoldaýǵa arnalǵan keshendi jumystar jobasy júzege asyrylýda.
Názıra ELEÝHAN, «Qyzdar ýnıversıteti» medıa ortalyǵy
