Bizdiń aımaqtaǵy osy salanyń áleýeti jergilikti turǵyndardyń erekshe maqtanyshy bolyp tabylatyn kórkem tabıǵatymen erekshelenedi. Bul ádemi tabıǵı landshafttar ǵana emes, sonymen qatar qasıetti oryndardyń bolýy. Munyń bári týrızmniń barlyq túrlerin damytýǵa múmkindik beredi.
Oblystyq týrızm jáne syrtqy baılanystar basqarmasynyń aqparaty boıynsha, bizdiń óńirge biregeı múmkindikteri bar áleýetti týrısik ortalyq retinde erekshe kóńil bólinedi. Sońǵy 30 jylda oblystyń týrısik ındýstrıasyn damytý boıynsha kezeń-kezeńmen keshendi jumys júrgizildi.
Katonqaraǵaı memlekettik ulttyq tabıǵı parki, Batys Altaı qoryǵy, Alakól qoryǵy, Marqakól qoryǵy, Kúrshim ózeniniń baseıni, Belýha taýy, Ýkok ústirti, Buqtyrma sý qoımasy, sondaı – aq kóptegen tarıhı jáne mádenı eskertkishterge baı ólke ár týrıserdi san qyrymen qýanta alady. Munda óńirdiń ólketaný qyzmetiniń damý perspektıvalary anyq baıqalady.
Aǵymdaǵy jyly Rıdderdiń týrısik obektilerine elektr berý jelisi salyndy. Jobanyń quny 40 mıllıon teńgeni qurady. Osyndaı joba Zaısan aýdanynda da júzege asyrylýda. Katonqaraǵaı aýdanynda ekologıalyq jáne etnotýrızm oıdaǵydaı damýda. Munda jeke kásipkerler men jergilikti turǵyndar qonaq úıler jelisin ashýǵa qoldaý kórsetiledi. Olar úshin granttar qarastyrylǵan. Bul baǵytta qazirdiń ózinde 15 bıznes-joba iske asyryldy.
Resmı statısıkalyq derekterge sáıkes, 2020 jyldyń basynda oblysta kelýshilerdi ornalastyrýmen aınalysatyn 576 oryn jumys isteıdi.
2019 jyldyń qańtar-jeltoqsan aılarynda qyzmet kórsetilgen kelýshiler sany 2018 jyldyń sáıkes kezeńimen salystyrǵanda 8,4 paıyzǵa artyp, 612 689 adamdy qurady.
Kelýshiler sany 3,1 paıyzǵa artyp, 29 741 adamdy qurady.
Alakól kóli respýblıkalyq aýqymdaǵy 10 basym týrısik obektilerdiń biri bolyp tanylyp, eldiń týrısıfıkasıa kartasynyń top-10 obektisiniń qataryna kirdi.
Jaǵalaýda sońǵy jyldary kezeń-kezeńmen, keshendi jumys júrgizildi.
Demalys bazalarynyń turmystyq jáne sanıtarlyq jaǵdaılaryn, órt qaýipsizdigin saqtaý, sharttardy oryndaý jáne basqa da túsindirý jumystary turǵysynan monıtorıń júrgizetin jumys toby quryldy.
Alakól kóliniń ınfraqurylymyn abattandyrý men jaqsartýǵa 2016-2019 jyldary oblystyq búdjetten shamamen 6,1 mlrd teńge bólindi. Jaǵalaý abattandyrylyp, Úrjar aýdanyndaǵy joldarǵa jóndeý jumystary júrgizildi. Temirjol tasymaly men áýe qatynasyn sýbsıdıalaý, sondaı-aq jyldamdyǵy joǵary ınternet jelisin ornatý jáne basqa da josparly is-sharalar júrgizildi.
– Koronavırýs pandemıasynyń bastalýymen jáne shekteý sharalarynyń engizilýimen týrızm eń zardap shekken salalardyń birine aınaldy, - dep túsindirdi SHQO týrızm jáne syrtqy baılanystar basqarmasynyń basshysy Marat Qabaqov. – 2020 jyly óńirge keletin týrıser sany eki ese azaıdy (42 %). Alakól kóliniń jaǵalaýynda demalýshylar sany 70 paıyzǵa tómendedi. Sonymen qatar, ótken jyly da, aǵymdaǵy jyly da oblys ákimi Danıal Ahmetovtyń qoldaýymen, sanıtarlyq normalardy saqtaı otyryp demalys bazalary jumys isteýge múmkindik aldy.
Marat Qabaqovtyń málimetinshe, bıyl Alakól kóliniń shyǵys jaǵalaýynyń ınfraqurylymyn damytýǵa segiz mıllıard teńgege jýyq qarajat baǵyttaldy. Barlyq jobalar iske asyryldy. Atap aıtqanda, polısıa ǵımarattary men jedel medısınalyq járdem stansıalary salynyp, komýnaldyq komýnıkasıalar qurylysynyń JSQ ázirlendi.
SHQO týrızm basqarmasynda atap ótkendeı, salany damytý úshin óńirdiń kıeli nysandarynyń ınfraqurylymy mańyzdy faktor bolyp tabylady. Oblys basshylyǵy bul máselege erekshe kóńil bóledi. Sondyqtan osy nysandardy jetildirý úshin birqatar mindetter oryndaldy.
Tarbaǵataı aýdanyndaǵy Yrǵyzbaı ata kesenesiniń aınalasy abattandyrylyp, Abaı aýdanyndaǵy Qońyr áýlıe úńgiri jóndeýden ótti. Katonqaraǵaı aýdanynyń Berel qorǵandarynda ashyq aspan astyndaǵy murajaı quryldy.
Shyǵys Qazaqstan oblysyn aqparattyq ilgeriletý maqsatynda biryńǵaı Toureast.kz aqparattyq resýrs-portal quryldy.
Onda SHQO boıynsha 60-tan astam daıyn týrısik baǵyttar, qalalar men aýdandar boıynsha ornalastyrý oryndary, demalys bazalary, ımıjdik beınerolıkter, týrıserge arnalǵan jolsiltemeler kórsetilgen. Sondaı-aq, Visit East Qazaqstan portaly jumys isteıdi.
10 - nan astam aqparattyq jáne baspasóz týrlary, sonyń ishinde brıtandyq VVS telearnasynyń, "MIR" halyqaralyq telearnasynyń saparlary ótkizildi.
Sondaı-aq, 2019 jyly týrıserge yńǵaıly bolý úshin Shyǵys Qazaqstan týraly jolsilteme shyǵaryldy. Onda óńirdiń týrısik áleýeti týraly tolyq aqparat ornalastyryldy.
"Kazakh Toıgiѕm" UK " AQ birlesip Qazaqstannyń basqa óńirlerinen týroperatorlar úshin aqparattyq týrlar ótkizdi. İs-sharalar sheńberinde Sibe kólderinde jazǵy týrısik maýsymnyń ashylýy, Alakól kóliniń jaǵalaýynda jyl saıynǵy "Alakól alaýlary" festıvali jáne basqa da is-sharalar ótkizildi.
Marat Qabaqovtyń aıtýynsha, ótken aıda SHQO delegasıasy Katardaǵy Doha qalasynda ótken Qatar Travel Mart 2021 Týrızm jáne saıahat kórmesine qatysty.
– Kórme aıasynda biz sheteldik seriktestermen 100-ge jýyq kelissózder ótkizdik, - dep bólisti ol. - Shyǵys Qazaqstan oblysyna Koreıa, Eýroodaq, arab elderiniń ınvestorlary qyzyǵýshylyq tanytty. Mysaly, SHQO arab elderiniń ókilderin Suńqar aýlaý jáne tanymdyq týrızm qyzyqtyrady. Kelesi jyly Katardyń 10 týroperatory bizdiń oblys boıynsha aqparattyq týrǵa qatysady. Osy kezdesýlerdiń qorytyndysy memorandýmdarǵa qol qoıýmen aıaqtalýy ábden múmkin.
