Táýelsizdik bizdi tolaǵai tabystarǵa bastap keledi
Dúniede barlyq adam, barlyq halyq táýelsizdik pen bostandyqty, teńdikti ańsaityny anyq. Sol joldaǵy tynymsyz kúres álemniń kei túkpirinde áli de jalǵasyp jatyr. Táýelsizdik uǵymynyń tereń astaryn tarih qoinaýynan, ata-babamyzdyń ótkeninen, onyń san ǵasyrlyq armanynan izdegenimiz abzal.
Ǵasyrlar boiy babalar kóksegen táýelsizdik týyn jelbiretý baqyty búgingi zamanda ǵumyr keship jatqan bizderge buiyrypty. Qazirgi basty mindet te, basty paryz da el táýelsizdigin kózdiń qarashyǵyndai saqtaý ári ony odan ári nyǵaitý bolyp tabylady.
Búgingi tańda bizdiń elimiz álemdik órkeniette óziniń aishyqty ornyn alǵan memleketke ainaldy. Qazaqstan óziniń ekonomikalyq damýynyń jańa úrdisterimen de syrtqa tanylyp, óz ishinde san ulttardyń yntymaǵyn jarastyrǵan el ekendigin kórsetip, saiasi turaqtylyqtyń arqasynda óreli biikterge qol jetkizdi.
Táýelsizdigimizdi jariialaǵannan keiingi 27 jyl ishinde kóptegen eleýli tabystarǵa qol jetkizdik. Bul Prezidentimiz N.Á.Nazarbaev júrgizip otyrǵan parasatty da kóregen saiasatynyń nátijesi.
Qoǵamdyq ómir sabaqtary men Otanymyzdyń múddesi qazirgi tańda patriottyq dástúrge sai keletin jańa talaptardy qoiyp otyr. Ata-babalarymyzdyń aldynda táýelsizdik úshin kúresý maqsaty turǵan bolatyn, al bizdiń aldymyzda ony nyǵaita túsý mindeti tur.
Táýelsizdik bizge ulttyq, aimaqtyq jáne jahandyq ólshemde sheksiz jaýapkershilik júgin artty. Biz osynaý uly taǵdyrdy qabyl alyp, birligimiz ben eńbegimiz arqyly tarih synaǵynan súrinbei ótip kelemiz. Halqymyz Táýelsizdiktiń myzǵymas tuǵyryn bekitip, Máńgilik El bolýǵa bet burdy. Sol sebepti, Táýelsizdik kúni – barshamyz úshin, kúlli qazaqstandyqtar úshin uly mereke.
Osyndai mańyzy bar tarihi dýmanda elimizdiń týy asqaqtap, keleshegi kemeldene bersin!..
arshamyzǵa igilik, barlyq bastamalarda sáttilik, erteńge senimdilik tileimin. Ashyq aspan aiasynda egemen elimizdiń igiligi jolyndaǵy isterińizge mol tabys, januialaryńyzǵa bereke-birlik, denderińizge saýlyq tileimin.
Baqyt Asanov, Maqtaaral aýdanynyń ákimi
