Táýelsizdik 30. «Kóshpendiler» trilogiiasy Qazaq radiosy efirinen berilýde
Qazaq handyǵynyń qurylymy men saiasi ómirine negizdelip jazylǵan tarihi epopeianyń aýdio nusqasyn Qazaq radiosynyń ardager diktory Búrkit Bekmaǵambetov dybystap shyqqan.
– Egemendikti, el men jerdi bizge aman jetkizgen handar men bahadúr batyrlardyń erligi júielep jazylǵan «Kóshpendiler» tarihi trilogiiasyn Táýelsizdik toiy qarsańynda arnaiy baǵdarlama efirinen shyǵarý Qazaq radiosynyń Táýelsizdik toiyna qosqan bir úlesi, – dedi «Qazaq raiolary» JShS bas redaktory – «Qazaq radiosy» radio arnasynyń direktory Dýlat Abibýllaev.
Sońǵy eki jylda Qazaq radiosy efirinde Tahaýi Ahtanovtyń, Hamza Esenjanovtyń, Ázilhan Nurshaiyqovtyń, Júsipbek Aimaýytovtyń, Ábish Kekilbaevtyń, Qalihan Ysqaqtyń, Sáken Júnisovtiń, Berdibek Soqpaqbaevtyń, Sábit Muqanovtyń, Sherhan Murtazanyń, Muhtar Maǵaýinniń eńbekteri men áńgimeleri aýdio kitap formatynda berilgen.
Anyqtama retinde: Áigili «Kóshpendiler» týyndysy keńestik kezeńde ulttyh tarihymyz týraly jazylǵan alǵashqy kólemdi shyǵarmalardyń biri.
Iliias Esenberlinniń «Kóshpendiler» trilogiiasyna jazýshynyń 1969 jyly qazaqtyń sońǵy hany Kenesary týraly «Qahar» romany men «Almas qylysh» jáne «Jantalas» romandary kiredi. «Kóshpendiler» trilogiiasyn orys tiline aýdarǵan Moris Simashko. Kitaptyń tek orys tilindegi nusqasy 12 ret qaita basylyp shyǵyp, jalpy tirajy 1,5 millionnan asty.
