Tatarlar qazaq halqyna tilektestik bildirdi
Tatarstandyq jergilikti jurt Qazaq halqynyń náýbet pen repressiiada qurban bolǵan bozdaqtaryn eske alyp, aza tutyp, qazaqtarǵa tilektestik bildirdi. Zaýal ornaǵan jyldardy umytpaýǵa shaqyrdy. Azattyqtyń tatar qyzmetinde jariialanǵan videodan túbi bir týysqan halyqtyń tarihy men taǵdyry uqsas ekendigi aitylǵan. Qoldan jasalǵan ashtyqtyń zardabyn umytpaitynyn jetkizgen jergilikti jurt, arnaiy kóńil aityp, qoldaý bildirgen.
