Imanǵali Tasmaǵambetovtiń ápkesi Nursulý Tasmaǵambetova ómirden ótti, - dep habarlaidy Dalanews.kz.
Bul týraly saiasattanýshy Erbol Edilov telegram arnasynda habarlady.
Tasmaǵambetova Nursulý Nurǵaliqyzy – 1950 jyly 17 qyrkúiekte Atyraý oblysy Novobogat aýylynda dúniege kelgen. 1970 jyly Almaty meditsina institýtyn pediatriia mamandyǵy boiynsha bitirgen.
Eńbek jolyn Ońtústik Qazaqstan oblysynyń meditsina salasynda balalar dárigeri bolyp bastaǵan.
Ár jyldary burynǵy Ońtústik Qazaqstan oblysy oblystyq sanitarlyq-epidemiologiialyq stantsiiasynyń bas dárigeri, Ońtústik Qazaqstan oblysynyń densaýlyq saqtaý basqarmasynyń bastyǵy, meditsina ǵylymdarynyń kandidaty, Qazaqstan Respýblikasy densaýlyq saqtaý isiniń úzdigi qyzmetterin atqardy.
Gippokrat ordeniniń jáne basqa da marapattardyń iegeri, Ońtústik Qazaqstan oblysy Túlkibas aýdanynyń qurmetti azamaty.
