"Armeniianyń qorǵanys ministri UQShU-nyń birlesken shtabynda qazirgi jaǵdaida el aýmaǵynda arnaiy jattyǵý ótkizýdiń qajeti joq ekenin habarlady. Biyl Armeniia aýmaǵynda jattyǵýlar ótpeidi", - dedi Pashinian.
1 qańtarda Reseidiń qorǵanys ministrligi biyl Armeniiada UQShU-dyń áskeri jattyǵýy ótetinin jariialaǵan.
2022 jyldyń kúzinde Pashinian UQShU-dyń Erevandaǵy sammitinde Taýly Qarabaqqa bailanysty janjalda Erevandy jetkilikti qoldanǵan joq degen negizde birlesken málimdemege qol qoiýdan bas tartqan.
UQShU-ǵa Qazaqstan, Qyrǵyzstan, Resei, Armeniia, Belarýs jáne Tájikstan múshe.
Byltyr qazan aiynda Qyrǵyzstan UQShU-nyń áskeri jattyǵýyn óz aimaǵynda ótkizýden bas tartqanyn jariialaǵan.
Buǵan deiin Imanǵali Tasmaǵambetov ujymdyq qaýipsizdik týraly shart uiymynyń bas hatshysy laýazymyna taǵaiyndalǵany habarlanǵan.
Kúni keshe Ujymdyq qaýipsizdik týraly shart uiymy Turaqty keńesiniń otyrysy barysynda uiymnyń jańa bas hatshysy resmi túrde tanystyryldy.
UQShU baspasóz hatshysy Vladimir Zainetdinovtyń aitýynsha, UQShU Ujymdyq qaýipsizdik keńesiniń sheshimimen Uiymnyń Bas hatshysy qyzmetine taǵaiyndalǵan Imanǵali Tasmaǵambetovti Qaýipsizdik keńesteri hatshylary komitetiniń (QQKK) tóraǵasy, Belarýs Respýblikasy Qaýipsizdik Keńesiniń memlekettik hatshysy Aleksandr Volfovich tanystyrdy.
«Osy joǵary laýazymǵa Imanǵali Nurǵaliuly Tasmaǵambetovtiń kandidatýrasyn Qazaqstan basshylyǵy usyndy jáne UQShU Ujymdyq qaýipsizdik keńesiniń 2022 jylǵy 23 qarashadaǵy sheshimimen maquldandy. Ol 2025 jyldyń 31 jeltoqsanyna deiin úsh jyl qyzmet etedi», - dedi Qaýipsizdik Keńesiniń memlekettik hatshysy Aleksandr Volfovich.
Tasmaǵambetov jaqyn arada Belarýs astanasy Minsk qalasyna barady dep kútilýde. Óitkeni bul uiymǵa 2023 jyly osy el tóraǵalyq etedi.
Bas hatshy Máskeýdegi jiynda UQShU aimaqtyq qaýipsizdikti qamtamasyz etýdiń tiimdi tetigi bola bilýi kerek ekenin aitty.
"Álem iri geosaiasi syn-qaterlerdiń kýási bolyp otyr. Bizdiń uiymnyń aldynda budan kem emes kúrdeli mindetter tur. Olardy bárińiz jaqsy bilesizder. Bul syn-qaterler men problemalardyń barlyǵy, árine, ekonomikaǵa áser etedi", — dedi Imanǵali Tasmaǵambetov.
Sonymen qatar ol UQShU-ǵa balama uiym joq ekenin aityp, uiymnyń ózine júktelgen mindetterdi sheshe alatynyna senim bildirdi.
