Tashkent oblysynyń burynǵy ákimi Ahmadjon Ýsmanovqa qarsy qylmystyq is qozǵalýyna bailanysty ol ýaqytsha qamaýǵa alyndy.
"Ozodliktyń" (Azattyq radiosynyń ózbek qyzmeti) quqyq qorǵaý organdaryndaǵy aqparat kózine qaraǵanda, Tashkent oblysynyń burynǵy ákimi Ahmadjon Ýsmanov 21 aqpanda, jeksenbi kúni ustalǵan. Dúisenbi kúni tańerteń ony Ulttyq qaýipsizdik komitetinde (UQK) tergeýge alǵan.
General Ahmadjon Ýsmanovtyń isimen jaqsy tanys Ózbekstannyń burynǵy sheneýnigi oǵan qarsy qylmystyq is aqpan aiynyń ortasynda qozǵalǵanyn, qazir ol kýáger retinde nemese kúdikti retinde tergelip jatqanyn aitty. "Ony kinály dep aiyptaýǵa asyqpańdar", – deidi Ahmadjon Ýsmanovtyń jaqyn tanysy, burynǵy sheneýnik.
Eske sala keteiik, 4 aqpanda Tashkent oblysynyń ákimi bolǵan Ahmadjon Ýsmanovty qyzmetinen alǵannan keiin, baspasózde oǵan qarsy kampaniia bastaldy. Resmi aqparat quraldary Ózbekstan prezidenti Islam Karimovtiń burynǵy ákimniń atyna aitylǵan "halyqtyń úmitin aqtai almady, jańa jumys oryndaryn asha almady" degen syndaryn jariialady.
Ahmadjon Ýsmanov sońǵy úsh aida qyzmetinen qýylǵan ekinshi sheneýnik. 2015 jyldyń qarasha aiynda Islam Karimov Namangan oblysynyń ákimi Bahadyr Iýsýpovty qyzmetinen alǵan bolatyn.Nfirttyn
