تاشكەنت وبلىسىنىڭ بۇرىنعى ەكٸمٸ احمادجون ۋسمانوۆقا قارسى قىلمىستىق ٸس قوزعالۋىنا بايلانىستى ول ۋاقىتشا قاماۋعا الىندى.
"وزودليكتىڭ" (ازاتتىق راديوسىنىڭ ٶزبەك قىزمەتٸ) قۇقىق قورعاۋ ورگاندارىنداعى اقپارات كٶزٸنە قاراعاندا, تاشكەنت وبلىسىنىڭ بۇرىنعى ەكٸمٸ احمادجون ۋسمانوۆ 21 اقپاندا, جەكسەنبٸ كٷنٸ ۇستالعان. دٷيسەنبٸ كٷنٸ تاڭەرتەڭ ونى ۇلتتىق قاۋٸپسٸزدٸك كوميتەتٸندە (ۇقك) تەرگەۋگە العان.
گەنەرال احمادجون ۋسمانوۆتىڭ ٸسٸمەن جاقسى تانىس ٶزبەكستاننىڭ بۇرىنعى شەنەۋنٸگٸ وعان قارسى قىلمىستىق ٸس اقپان ايىنىڭ ورتاسىندا قوزعالعانىن, قازٸر ول كۋەگەر رەتٸندە نەمەسە كٷدٸكتٸ رەتٸندە تەرگەلٸپ جاتقانىن ايتتى. "ونى كٸنەلى دەپ ايىپتاۋعا اسىقپاڭدار", – دەيدٸ احمادجون ۋسمانوۆتىڭ جاقىن تانىسى, بۇرىنعى شەنەۋنٸك.
ەسكە سالا كەتەيٸك, 4 اقپاندا تاشكەنت وبلىسىنىڭ ەكٸمٸ بولعان احمادجون ۋسمانوۆتى قىزمەتٸنەن العاننان كەيٸن, باسپاسٶزدە وعان قارسى كامپانييا باستالدى. رەسمي اقپارات قۇرالدارى ٶزبەكستان پرەزيدەنتٸ يسلام كاريموۆتٸڭ بۇرىنعى ەكٸمنٸڭ اتىنا ايتىلعان "حالىقتىڭ ٷمٸتٸن اقتاي المادى, جاڭا جۇمىس ورىندارىن اشا المادى" دەگەن سىندارىن جارييالادى.
احمادجون ۋسمانوۆ سوڭعى ٷش ايدا قىزمەتٸنەن قۋىلعان ەكٸنشٸ شەنەۋنٸك. 2015 جىلدىڭ قاراشا ايىندا يسلام كاريموۆ نامانگان وبلىسىنىڭ ەكٸمٸ باحادىر يۋسۋپوۆتى قىزمەتٸنەن العان بولاتىن.Nfirttyn
