Qazaqstandyq Artline Kazakhstan avtosport komandasy Italiiadaǵy áigili Misano avtodromynda ótken GT2 European Series kezeńinde sensatsiialyq jeńiske jetti. Pro-Am klasynda birinshi, al jalpy esepte ekinshi orynnan jarysty bastaǵan komanda finalǵa birneshe minýt qalǵanda kósh bastady,- dep habarlaidy Dalanews.kz
Artline Kazakhstan komandasy Italiiada GT2 European Series kezeńine qatysyp jatyr.Qazaqstandyq komanda tańerteńgi irikteý kezeńinde tabysty óner kórsetti.
Shota Abhazava Pro-Am klasynda birinshi oryndy ielendi, al Egor Orýdjev óz jarysyn úshinshi orynda aiaqtady. Bul komandanyń Pro-Am klassta birinshi, al jalpy esepte ekinshi orynnan jarysqa shyǵýyna múmkindik berdi.
Búgin birinshi jarys ótip, komandamyz laiyqty jeńiske qol jetkizdi. Jarystyń basynda rólge otyrǵan Shota Abhazava Pro-Am klasynda senimdi kóshbasshy bolyp, absoliýttik esepte ekinshi orynda jetekshilik etti. Pit-stoptar kezinde róldi jarysshylar aýystyrdy.
Jarystyń 30-shy minýtynda rólge Egor Orýdjev otyrdy jáne óziniń jarty saǵattyq bólimin tamasha ótkizdi. Ol Pro-Am klassynda alda kele otyryp, finalǵa 6 minýt qalǵanda AM klasyndaǵy Maserati júrgizýshisi Philippe Prette-ge shabýyl jasap, jarystyń kóshbasshysy atandy. Qalǵan bes ainalym ishinde Egor ekinshi orynnan basymdyǵyn 3,5 sekýndqa deiin arttyrdy.
Qazaqstannyń týy podiým ústinde jelbirep, elimizdiń ánurany endi Italiiadaǵy Misano jarys trassasynda da shyrqaldy.
