قازاقستاندىق Artline Kazakhstan اۆتوسپورت كومانداسى يتاليياداعى ەيگٸلٸ Misano اۆتودرومىندا ٶتكەن GT2 European Series كەزەڭٸندە سەنساتسييالىق جەڭٸسكە جەتتٸ. Pro-Am كلاسىندا بٸرٸنشٸ, ال جالپى ەسەپتە ەكٸنشٸ ورىننان جارىستى باستاعان كوماندا فينالعا بٸرنەشە مينۋت قالعاندا كٶش باستادى,- دەپ حابارلايدى Dalanews.kz
Artline Kazakhstan كومانداسى يتالييادا GT2 European Series كەزەڭٸنە قاتىسىپ جاتىر.قازاقستاندىق كوماندا تاڭەرتەڭگٸ ٸرٸكتەۋ كەزەڭٸندە تابىستى ٶنەر كٶرسەتتٸ.
شوتا ابحازاۆا Pro-Am كلاسىندا بٸرٸنشٸ ورىندى يەلەندٸ, ال ەگور ورۋدجەۆ ٶز جارىسىن ٷشٸنشٸ ورىندا اياقتادى. بۇل كوماندانىڭ Pro-Am كلاسستا بٸرٸنشٸ, ال جالپى ەسەپتە ەكٸنشٸ ورىننان جارىسقا شىعۋىنا مٷمكٸندٸك بەردٸ.
بٷگٸن بٸرٸنشٸ جارىس ٶتٸپ, كوماندامىز لايىقتى جەڭٸسكە قول جەتكٸزدٸ. جارىستىڭ باسىندا رٶلگە وتىرعان شوتا ابحازاۆا Pro-Am كلاسىندا سەنٸمدٸ كٶشباسشى بولىپ, ابسوليۋتتٸك ەسەپتە ەكٸنشٸ ورىندا جەتەكشٸلٸك ەتتٸ. پيت-ستوپتار كەزٸندە رٶلدٸ جارىسشىلار اۋىستىردى.
جارىستىڭ 30-شى مينۋتىندا رٶلگە ەگور ورۋدجەۆ وتىردى جەنە ٶزٸنٸڭ جارتى ساعاتتىق بٶلٸمٸن تاماشا ٶتكٸزدٸ. ول Pro-Am كلاسسىندا الدا كەلە وتىرىپ, فينالعا 6 مينۋت قالعاندا AM كلاسىنداعى Maserati جٷرگٸزۋشٸسٸ Philippe Prette-گە شابۋىل جاساپ, جارىستىڭ كٶشباسشىسى اتاندى. قالعان بەس اينالىم ٸشٸندە ەگور ەكٸنشٸ ورىننان باسىمدىعىن 3,5 سەكۋندقا دەيٸن ارتتىردى.
قازاقستاننىڭ تۋى پوديۋم ٷستٸندە جەلبٸرەپ, ەلٸمٸزدٸڭ ەنۇرانى ەندٸ يتاليياداعى Misano جارىس تراسساسىندا دا شىرقالدى.
