– Men akademık Asqar Jumadildaev aıtqan paıymmen tolyq kelisemin. Halqymyz osyndaı kúrdeli zamanda eń aldymen, álemge pragmatıkalyq kózben qaraýy kerek.
Bos áńgimelerdi toqtatý qajet. Mysaly, Shyńǵys han qaı rýdan shyqty degen talas-tartysty qoıý kerek dep oılaımyn.
Qazirgi tańda zıaly qaýymnyń keıbiri shetinen tarıhshy, shyńǵystanýshylar bolyp ketti. Munyń qoǵamymyzǵa paıda ákelerine kúmánim bar.
Jastarymyzdyń sanasy sergek, eti tiri, shıraq bolýy qajet.
Kórshi memleketterdegi jas azamattar shetelge baryp, kásiporyndar, dúkender ashyp, jaqsy ómir súrý úshin jańa daǵdylardy ıgerip jatyr.
Olar, shyn máninde, básekege qabiletti, eńbekqor adamdar. Qazirgi jaǵdaıda men bir jerde ómir súremin, týystarmen ómir boıy birge turamyn degen uǵym ábden eskirgen.
Sondyqtan, qurmetti aǵaıyn, bárimiz ozyq bolaıyq! Sonda ǵana jastarymyzdyń kózi ashyq, kókiregi oıaý, oılary ushqyr bolady, kóptegen syn-qaterge tótep bere alady. Óz jaǵdaıyn ózderi jasap, jaqsy ómir súre alady, – dedi Memleket basshysy.
