Prokýratýranyń talap qoiýy boiynsha sot «Tártip» AQ-daǵy úlesti memleketke qaitarýtýraly sheshim qabyldady, dep habarlaidy dalanews.kz.
Almaty qalasynyń Mamandandyrylǵan tabiǵat qorǵaý prokýratýrasy memleket múddesin qorǵaý maqsatynda «Tártip» AQ-nyń «AQ Tártip» JShS bolyp qaita uiymdastyrylýyna jáne memlekettik tirkelýine qatysty aktilerdi jaramsyz dep taný, tirkeý aktileriniń kúshin joiý jáne memleketke 33,98% úlesti qaitarý týraly talap qoiýmen sotqa júgindi.
Talap qoiýǵa memlekettik úlestiń tómendetilgen qunmen satylǵany negiz boldy.
Buǵan deiin qala prokýratýrasynyń talap qoiýy boiynsha sottyń 2023 jylǵy 12 shildedegi zańdy kúshine engen sheshimimen 2017 jylǵy 18 qazanda memlekettik úlesti satyp alý-satý týraly jasalǵan shart jaramsyz dep tanylǵan bolatyn.
2026 jylǵy 30 shildede Almaty qalasynyń Mamandandyrylǵan aýdanaralyq ekonomikalyq sotynyń sheshimimen prokýratýranyń talap qoiýy tolyq kólemde qanaǵattandyryldy.
Sot sheshimi zańdy kúshine engen joq.
