Прокуратураның талап қоюы бойынша сот «Тәртіп» АҚ-дағы үлесті мемлекетке қайтарутуралы шешім қабылдады, деп хабарлайды dalanews.kz.
Алматы қаласының Мамандандырылған табиғат қорғау прокуратурасы мемлекет мүддесін қорғау мақсатында «Тәртіп» АҚ-ның «АҚ Тәртіп» ЖШС болып қайта ұйымдастырылуына және мемлекеттік тіркелуіне қатысты актілерді жарамсыз деп тану, тіркеу актілерінің күшін жою және мемлекетке 33,98% үлесті қайтару туралы талап қоюмен сотқа жүгінді.
Талап қоюға мемлекеттік үлестің төмендетілген құнмен сатылғаны негіз болды.
Бұған дейін қала прокуратурасының талап қоюы бойынша соттың 2023 жылғы 12 шілдедегі заңды күшіне енген шешімімен 2017 жылғы 18 қазанда мемлекеттік үлесті сатып алу-сату туралы жасалған шарт жарамсыз деп танылған болатын.
2026 жылғы 30 шілдеде Алматы қаласының Мамандандырылған ауданаралық экономикалық сотының шешімімен прокуратураның талап қоюы толық көлемде қанағаттандырылды.
Сот шешімі заңды күшіне енген жоқ.
