Baıqaý komısıasy bir aı boıy «Úzdik monografıalar», «Úzdik kitaptar», «Úzdik ǵylymı maqalalar» atalymdary boıynsha jumystardy saralap shyqty. Nátıjesinde M.H.Dýlatı atyndaǵy Taraz memlekettik ýnıversıtetiniń profesor-oqytýshylary 4 atalym boıynsha úzdik atandy. Atap aıtar bolsaq, Qazaqstan ekonomıkasynyń damýy máselelerin kótergen monografıalar arasynan profesor Ánýarbek Áımenniń «Memleketti basqarýdy jetildirý» jáne «Sharýa qojalyqtarynyń básekege qabilettiligi» monografıalary úzdik dep tanyldy.
Al, qazirgi Qazaqstan tarıhy boıynsha jazylǵan monografıalar arasynan «Jambyl oblysynyń táýelsizdik kezeńindegi tarıhy» taqyrybynda jazylǵan tarıh ǵylymdarynyń kandıdaty Seıdahan Baqtorazovtyń jumysy birinshi júldege ıe boldy. Sáıkesinshe, tehnıka jáne tehnologıa salalary boıynsha ázirlengen oqýlyqtar arasynan profesor Kenjebek Badanovtyń «Matalardy óńdeý» oqý quraly úzdik dep tanyldy. Qazaqstan memleket retinde qalyptasýy máseleleri boıynsha úzdik ǵylymı jarıalanym atalymynda quqyq magıstri Serik Kósherbaevtyń jumysy da úzdikter qatarynan kórindi.
Osylaısha, M.H. Dýlatı atyndaǵy Taraz Memlekettik ýnıversıteti atalǵan baıqaýda úzdik jumystary sany jóninen kósh bastady.
Jambyl oblys ákiminiń baspasóz qyzmeti
