Keiingi ýaqytta Tarazda jáne Jambyl oblysynda kiberqaýipsizdikke qatysty memlekettik satyp alýlardyń basym bóligin bir ǵana kompaniianyń utyp júrgeni týraly aqparat tarady, dep habarlaidy dalanews.kz.
Másele naryqtaǵy básekeniń joqtyǵynda emes. Goszakupturaly telegram arnasynyń aitýynsha, tapsyrys berýshiler satyp alý sharttaryn belgili bir talaptarǵa sáikestendirip ázirleidi.
“Kóptegen konkýrsta biliktilik talaptary múlde kórsetilmegen nemese óte az bolǵanymen, mindetti shart retinde arnaiy litsenziia talap etiledi. Bul litsenziialardyń qajettiligi jedel-izdestirý is-sharalarymen bailanystyrylǵanymen, tehnikalyq sipattamalarda mundai jumystardyń júrgiziletini naqty kórsetilmegen”, - deidi derekkóz.
Taǵy bir nazar aýdararlyq jait – dál osyndai mazmundaǵy satyp alýlardy Taraz qalasy men oblystaǵy ákimdikke qarasty bólimderdiń basym bóligi ótkizgen. Al elimizdiń ózge óńirlerinde mundai tájiribe keń taramaǵan. Kóp jaǵdaida basqa aimaqtarda uqsas konkýrstar birneshe qatysýshynyń ótinimimen qalypty jaǵdaida ótedi jáne mundai litsenziialar talap etilmeidi.
Al Taraz ben Jambyl oblysyndaǵy kóptegen satyp alýlarǵa nebári bir ǵana ótinim túsken. Sarapshylar munyń sebebi satyp alý talaptarynyń ereksheligimen bailanysty bolýy múmkin ekenin aitady.
