Jambyl oblysynda sot Taraz qalasyndaǵy mektepterdiń birin elektrshige 1,2 million teńge kóleminde ótemaqy tóleýge mindettedi, dep habarlaidy Dalanews.kz.
Bul týraly Joǵarǵy sottyń Telegram-arnasy málimdedi.
Oqiǵa mektep direktorynyń orynbasarynyń tapsyrmasymen bolǵan. Elektrshi ǵimarattyń qasbetinde ornalasqan projektorlardyń isten shyqqan shamdaryn aýystyryp jatqan. Alaida solardyń biri – durys bekitilmegen projektor – úzilip ketip, saldarynan elektrshi shamamen 3 metr biiktikten qulap, omyrtqasy men qabyrǵalary synyp, aýyr jaraqat aldy.
"Jaraqattary óndiristik sipatta dep tanyldy. Sotqa shaǵym túsken sátte jábirlenýshi áli de em qabyldap jatqan, ári onyń em-domǵa ketken shyǵyndary aitarlyqtai bolǵan. Osyǵan bailanysty ol sottan materialdyq jáne moraldyq shyǵyndy óteýdi talap etip, jumys berýshini jaýapqa tartýdy surady. Al jaýapkerdiń ókili buǵan deiin kórsetilgen qarjylai kómekti jáne jalaqyny jumysqa shyqpaǵanyna qaramastan tólep otyrǵanyn alǵa tartyp, talapty moiyndamaǵan", – delingen habarlamada.
Alaida arnaiy komissiia oqiǵany zerttei kele, jumys berýshiniń 100 paiyz kinási bar ekenin anyqtaǵan. Jumystyń durys uiymdastyrylmaýy basty sebep bolǵan. Osyǵan bailanysty sot jábirlenýshiniń paidasyna sheshim shyǵaryp, mektepti oǵan materialdyq jáne moraldyq shyǵyndy, sondai-aq zańgerlik kómekke ketken shyǵyndardy óteýge mindettedi.
