Beinejazbadaǵy jetkinshekterdiń ata-analarynyń aitýynsha, bapkerdiń dál osyndai áreketke barýyna balalardyń ózi sebepker bolǵan eken.
https://dalanews.kz/37377
Kópshiliktiń aldynda uiatqa qalǵan ata-analar jasósipirmder úshin bapkerden keshirim surap, olardy internattan shyǵaryp áketipti. Bul týraly KTK telearnasyna habarlaidy.
Az ýaqytta jelide keń taralyp, kópshiliktiń ashýyn týǵyzǵan beinejazbadaǵy balalardyń biri – Shý, ekinshisi Qarataýdan ekeni belgili boldy. Al ata-analary uldarynyń namazǵa jyǵylǵanynan beihabar eken.
Sondyqtan jelige taraǵan videony kórip ózderi de ań-tań bolypty. Sondai-aq olar balalarynyń qýlyǵy úshin qatty qynjylatynyn jetkizip, musylman qaýymy men jattyqtyrýshydan keshirim suraǵan.
«Balalarynyń teris aǵymda oqyp jatqandyǵyn aitty. Der kezinde jattyqtyrýshy kórip toqtatqany jáne video túsirilip jatqan kezde namaz ýaqytynyń bolmaǵandyǵyn, úshtiń kezi ekenin moiyndap otyr», — deidi Jambyl oblystyq mamandandyrylǵan sporttaǵy daryndy balalar mektep internaty direktorynyń orynbasary Erdos Ákimov.
Onyń aitýynsha, bir jyldan beri negizgi quramǵa ilige almai júrgen qos shákirtke sońǵy synnan súrinse internattan shyǵý qaýpi tóngen. Buǵan bapkerdi aiyptaǵan jasóspirimder ony aiaqtan shalýdy muqiiat uiymdastyrǵan kórinedi. Ekeýi qyzý qandy jattyqtyrýshynyń teoriialyq sabaǵyna qatyspai, onyń bólmege kelýin kútipti.
Almat Baetov jasóspirimderdiń adasyp júrgenderin áý basta baiqap, ózgelerdiń sanasyn ýlamaýdy eskertken eken. Biraq oǵan shákirtteri pysqyryp ta qaramaǵan.
Derekkóz: Ktk arnasy
https://www.youtube.com/watch?v=PfNtOYHaiCc
