Taraz mektepterinde uialy telefondy qoldanýǵa tyiym salyndy
– Gadjetterdi paidalanýǵa salynǵan tyiym uialy telefondardyń urlyǵyn boldyrmaýmen bailanysty sharalardyń biri retinde qolǵa alyndy, – dep naqtylady qala prokýrory Bekzat Seiilhan.
Jambyl oblystyq IID-niń jergilikti politsiiasynyń málimetinshe, óńirdegi qylmystardyń reitinginde uialy telefondardyń urlyǵy birinshi orynda tur. Ótken 2016 jyly politsiia qyzmetkerleri uialy telefondardyń urlyǵymen ainalysyp kelgen 12 uiymdasqan qylmystyq toptyń jolyn kesken.
– Profilaktikalyq jumystyń báseńdeýi kámeletke tolmaǵandar arasyndaǵy qylmystyń artýyna alyp keldi. Búginde Tarazda kámeletke tolmaǵandarmen 28 mobildi top jumys isteidi. Oqýshylar arasynda saýalnama ótkizildi, mektepter ýchaskelik inspektorlarmen jáne beinekameralarmen qamtamasyz etildi. Mektepterde gadjetterdiń qoldanylýyna tyiym salyndy, – dedi B.Seiilhan. Bul rette, jańashyldyqqa qarsylyq bildirgen ata-analar túrli instantsiialarǵa shaǵymdaryn túsire bastady.
