Taraz ákiminiń burynǵy orynbasary 5 jylǵa sottaldy

Saǵynysh Sardarova 08 sáý. 2024 17:39 1556

Taraz ákiminiń burynǵy orynbasary Qaısar Sarytaı 5 jylǵa sottaldy, - dep habarlaıdy Dalanews.kz.

press.kz málimetinshe, Jambyl oblysynda jazda Grýzıadan ekstradısıalanǵan Qaısar Sarytaıǵa qatysty úkim shyǵaryldy.

Laýazymdyq ókilettigin asyra paıdalanǵany úshin ol memlekettik qyzmette jáne kvazımemlekettik uıymdarda qyzmet atqarý quqyǵynan ómir boıyna aıyryldy jáne 5 jylǵa bas bostandyǵynan aıyryldy.

Ol jazasyn ortasha qaýipsizdik kolonıasynda óteıdi.

Jambyl oblysy boıynsha aýmaqtyq departament QR Qylmystyq kodeksiniń 189-babynyń 4-bóligi 2-tarmaǵynyń, 362-babynyń 4-bóliginiń 3-tarmaǵynda kózdelgen sybaılas jemqorlyq qylmysyn jasaý kúdigimen Taraz qalasy ákiminiń burynǵy orynbasary Q.A. Sarytaıǵa halyqaralyq izdeý jarıalady.

Al 2021 jyly Qaısar Sarytaı Grýzıada ustalǵan edi. 

"Halyqaralyq yntymaqtastyq aıasyndaǵy jedel izdestirý is-sharalarynyń nátıjesinde Grýzıanyń quqyq qorǵaý organdary Sybaılas jemqorlyqqa qarsy qyzmet jáne Qazaqstan Respýblıkasy İİM Interpol UOB-men birlesip, Q.A. Sarytaıdy Grýzıa aýmaǵynda ustap, qamaýǵa aldy", - dep habarlady sol kezde Antıkor.


Usynylǵan
Sońǵy jańalyqtar