Tanymal sportshy buzaqylardyń qolynan mert boldy
Politseilerdiń málimeti boiynsha qaiǵyly oqiǵa 14 naýryzynda túngi ýaqyt 03:00-derde Kókshetaý qalasyndaǵy avtoqalashyq shaǵyn aýdanynda oryn alǵan.
Dosymen birge úiine bara jatqan 25 jastaǵy sportshyny bir top jas jigitter toqtatady. Araqqa sylqiia toiyp alǵan jigittermen birden sózge kelip qalǵan olardyń arasynda tóbeles shyǵady. Alty adamnan turatyn buzaqylar Evgenii men onyń dosyn soqqyǵa jyǵady. Dosy qaskóilerden sytylyp sol mańdaǵy «Roma» dúkenine kómek shaqyrýǵa júgiredi. Osy kezde buzaqylardyń biri sportshyǵa birneshe jerden pyshaq suǵyp úlgeredi. Alǵan aýyr jaraqattan Evgenii sol jerde til tartpastan kóz jumady.
Oqiǵa ornyna dereý jetken politseiler atalǵan dúkendegi beine jazbany tekserip, kóp uzatpai kúdiktilerdi qolǵa túsirdi. Qazirgi kezde kúdiktilerdiń biri qylmysyn moinyna alyp, ústinen QR QK-niń 99-babynyń 1-bólimi boiynsha (adam óltirý) sotqa deiingi is qozǵaldy.
Evgenii Galýzinskii paýerliftingten jóspirimder arasynda əlem chempiony, jastar arasynda əlem chempionatynyń júldegeri, QR birneshe dúrkin chempiony. 2009 jyly Braziliiada paýerliftingten IPF nusqasy boiynsha tórt mərte əlem rekordyn jańartty. Marqumnyń artynda əieli men 1,5 jastaǵy qyzy qaldy.
