QMA Almaty qalasy boiynsha departamenti «UILI BOLAYIK» (Úili bolaiyq) atty qarjy piramidasynyń qyzmetin toqtatty, dep habarlaidy Dalanews.kz.
Áleýmettik turǵyn úi baǵdarlamasy retinde búrkemelengen bul joba aiasynda uiymdastyrýshylar qatysýshylardy múlikti paiyzsyz bólip tóleý arqyly satyp alýǵa bolady dep sendirgen.
Qatysýshylarǵa salǵan qarajaty úshin ai saiyn 15–30% kóleminde tabys jáne ár jańa tartylǵan adam úshin 10% bonýs ýáde etilgen.
Azamattardyń qarajaty ekinshi deńgeili bankterdegi uiymdastyrýshylardyń jeke shottaryna aýdarylyp otyrǵan, al «UILI BOLAYIK qaiyrymdylyq qorynyń» esepshottary is júzinde paidalanylmaǵan jáne qozǵalyssyz qalǵan.
Nátijesinde bul qarjy piramidasyna 515 salymshy tartylyp, 50 mln teńgeden astam qarajat jinalǵan.
Sot sanktsiiasymen kúdiktiniń banktik shottaryna tyiym salyndy.
Oǵan qatysty elden shyǵýǵa tyiym salý túrindegi bultartpaý sharasy qoldanyldy.
Qazirgi ýaqytta tergeý amaldary jalǵasýda.
