"Elge kómek ber" qaiyrymdylyq qorynyń jetekshisi Iliias Sariev ustaldy, – dep habarlaidy Dalanews.kz.
Bul týraly zańger Nursultan Orynbekov málimdedi.
"Qazaq Robin Gýd Iliias Sariev alaiaqtyq baby boiynsha ustaldy. Almatydan osyndai habar keldi. Birneshe adamnan alaiaqtyq áreketi boiynsha aryz túsken edi. Qazir sol boiynsha ustalǵany belgili boldy. Aldanǵandar bolsa, Almaty IID-ne aryzdansańyzdar bolady", - dedi ol.
Aita keteiik, áleýmettik jelide Iliias Sariev qazaq_robin_hood laqapatymen tanylǵan.
BAQ málimetinshe, buǵan deiin "Elge kómek ber" qaiyrymdylyq qorynyń basy daýǵa qalǵan. Jelide qor qarjyny maqsatsyz jumsaǵany týraly aqparat ta taraǵan.
Politsiia pikiri
Dalanews.kz Almaty Politsiia departamentine saýal joldady.
"Almaly aýdandyq PB-na qarasty politsiia bólimi alaiaqtyq deregi boiynsha qylmystyq is qozǵady. Jan-jaqty jáne obektivti tergeýge baǵyttalǵan birqatar tergeý sharalary júrgizilip jatyr. Olardyń qorytyndysy boiynsha protsessýaldyq sheshim qabyldanady", - dep jazylǵan Almaty Politsiia departamenti baspasóz qyzmeti habarlamasynda.
