"Za tebia, Báke" (ZTB) media jobasynyń negizin qalaýshy, mediamenedjer Marǵulan Tursynovtyń basy daýǵa qalǵan bolatyn. Bári onyń Threads jelisinde jazǵan jazbasynan bastalǵan. Qoǵamda onyń málimdemesi qyzý talqylanyp jatyr, dep habarlaidy Dalanews.kz.
Buǵan deiingi jaǵdai
Til máselesi onsyz da qyzyp turǵan shaqta Marǵulan Tursynovtyń orys ultyna qatysty jazbasy otqa mai quiǵandai boldy.
"Sońǵy ýaqytta elimizde orystarǵa qatysty ultshyldyq kúsheigeni baiqalyp otyr. Men, jergilikti ulttyń ókili retinde orystarǵa degen kózqarasym erekshe ekenin moiyndaimyn. Kóp jaǵdaida túrli máseleler boiynsha men dál solarǵa júginemin. Meili tehnika jóndeý, kólik, dizain, býhgalteriia sekildi máseleler bolsyn. Óitkeni olardy anaǵurlym bilimdi, jaýapty ári turaqty dep esepteimin. Ashyq aitaiyn, kúndelikti ómirde olarsyz maǵan qiyn", - deidi Marǵulan Tursynov.
Threads qoldanýshylary mediamenedjerdiń bul jazbasyn qyzý talqylai tústi.
ZTB-ǵa boikot jariialaý týraly
"Oian, qazaq!" sekildi týyndylardyń bas prodiýseri Aisáýle Ábilda Marǵulan Tursynovtyń málimdemesine qatysty pikir bildirdi.
"Men bul kisiniń paraqshasyn qarasam, qateligin túsinip, keshirim suraýdyń ornyna sony baiqaǵan adamdarǵa biikten kúlip otyr. Sol sebepti barshańyzdy ZTB paraqshalarynan shyǵyp ketýge shaqyramyn. Baikotpen ǵana bar ekenimizdi dáleldei alamyz", - dedi ol.
Eske salaiyq, keshe belgili qarjy sarapshysy Aibar Oljai ZTB jobasynyń negizin qalaýshy mediamenedjer Marǵulan Tursynovtyń ústinen prokýratýraǵa aryz túsirdi.
