Tanymal kásipker Toqaevty Nur Otan-nyń quramynan shyǵýǵa shaqyrdy
"Menińshe, Toqaevtyń keń qoǵamdyq qoldaýy joq partiia quramynan shyǵyp, ózin bir ǵana partiianyń múddesi úshin qyzmet etetin tóraǵa emes, búkil Qazaqstannyń Prezidenti dep jariialaǵany durys bolar edi. Osylaisha, ol el úshin barlyq partiialardyń mańyzy birdei ekenin bildirer edi", - deidi kásipker.
Onyń pikirinshe, bul qoǵam úshin qarym-qatynastardyń qaita jandanýy, saiasi jańǵyrýdyń bastalýy jáne Nur Otan partiiasy saiasi monopoliiasynyń aiaqtalýynyń aiqyn belgisi bolar edi. Bul qoǵamdyq optimizmge kúshti serpin berip, jarqyn bolashaqqa degen úmittiń artýyna sebep bolmaq.
«Prezident Toqaev durys sheshim qabyldaidy dep úmittenemin», - dep áleýmettik jeli arqyly pikir bildirdi ol.
Aita ketelik, erteń Nur Otan partiiasynyń HHI sezi ótedi. Kún tártibindegi negizgi máselelerdiń biri - partiia tóraǵasyn qaita sailaý. Keibir derek kózderinshe, partiia tóraǵasy bolyp Prezident Toqaev sailanýy múmkin.
