"Nur-Muqasan" tobynyń jańa múshesi Ǵalymjan toptyń burynǵy ánshisi, tanymal juldyz Muqasan Shahzadaevtan ońbai taiaq jegenin aitty. Politsiia bul jaitqa qatysty qylmystyq is qozǵady, dep habarlaidy Dalanews.kz.
22 qarashada Naýryzbai aýdandyq politsiia basqarmasyna jergilikti turǵyn azamat M. jáne ózge de birneshe tulǵalar tarapynan oǵan dene jaraqatyn salý deregi boiynsha aryzben júgingen.
"Bul derek boiynsha qylmystyq is qozǵaldy. Oqiǵanyń barlyq mán-jaiyn anyqtaýǵa baǵyttalǵan keshendi tergeý is-sharalary júrgizilip jatyr. Tergeý nátijeleri boiynsha Qazaqstan Respýblikasynyń zańnamasyna sáikes tiisti sharalar qabyldanady", - dep jazylǵan Almaty qalasy Politsiia departamentiniń baspasóz qyzmeti habarlamasynda.
Buǵan deiin istiń mán-jaiyn jazǵan edik. Ǵalymjan Súleimenniń aitýynsha, daýdyń bári top oryndaǵan ánnen shyqqan. Máseleni sheshý úshin Ǵalymjan esimdi ánshi Shahzadaevtyń úiine barǵan. Alaida soqqyǵa jyǵylǵan. "Politsiia Muqasandy emes, meni alyp ketti" deidi. Al qazir "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi.
