Búgin ÚEU arasynda «Tańdaý» syılyǵy bıyl alǵash ret 15 nomınasıa boıynsha óz ıelerin tapty. Osylaısha el Táýelsizdiginiń 30 jyldyǵyna oraılastyrylǵan H Azamattyq forým aıasynda úkimettik emes uıymdarǵa «Tańdaý» syılyǵyn saltanatty tabystaý rásimi ótti, – dep habarlaıdy Dalanews.kz.

Baıqaýdyń negizgi ıdeıasy – 10 jyldan astam tájirıbesi bar qazaqstandyq ÚEU qyzmetiniń jetistikterin áleýmettik jáne qoǵamdyq ómirge, Qazaqstannyń táýelsizdigin nyǵaıtý men azamattyq qoǵamdy qalyptastyrýda qosqan úlesterin kópshilikke jarıa etý.

«Tańdaý» baıqaýyn Qazaqstannyń Azamattyq alánsy Qazaqstan Respýblıkasy Aqparat jáne qoǵamdyq damý mınıstrliginiń qoldaýymen uıymdastyryp jatyr.

Baǵalaý krıterııleri:

• Uıymnyń úkimettik emes sektordaǵy 10 jyldan astam jumys tájirıbesi;


• Maqsatty toptardyń, aımaqtyń ne jalpy el ómirindegi jumys nátıjeleriniń mańyzdylyǵy jáne áleýmettik áseri;


• İs-sharalar men júzege asyrylatyn jobalardyń áleýmettik mańyzdylyǵy;


• İs-áreket tájirıbesi men nátıjeler taralymy (mýltıplıkator effektisi);


• Usynystar, qoǵam men BAQ pikiri

Aıta ketý kerek, konkýrs komısıasynyń quramyna birqatar qoǵamdyq-saıası jetekshiler, ÚEU ókilderi, parlament depýtattary, bıznes qurylymdar men memlekettik organdardyń, halyqaralyq uıymdardyń ókilderi endi.

Syılyqpen marapattalǵan tulǵalarǵa tıisti nomınasıa boıynsha «Respýblıkalyq «Tańdaý» syılyǵynyń laýreaty» ataǵy, laýreattyń ataýly dıplomy jáne estelik músinshe beriledi.

Osylaısha, 15 nomınasıa boıynsha jeńimpazdar anyqtaldy:

1. «Bilim, ǵylym, aqparat, dene shynyqtyrý jáne sport salasyndaǵy maqsattarǵa qol jetkizý» - Batys Qazaqstan oblystyq múgedek balalardyń qoǵamdyq birlestigi


2. «Azamattardyń densaýlyǵyn saqtaý, salaýatty ómir saltyn nasıhattaý» - «Qazaqstan sańyraýlar qoǵamy» QB


3. «Qorshaǵan ortany qorǵaý» - «Qazaqstannyń ekologıalyq qory» QQ


4. «Jastar saıasaty men balalar bastamalaryn qoldaý» - «Biryńǵaı «Jas Ulan» balalar men jasóspirimder uıymy» RQB


5. «Otbasylyq, demografıalyq jáne genderlik máselelerdi sheshý» - «Aq-Otaý» otbasy ortalyǵy


6. «Halyqtyń áleýmettik osal toptaryn qoldaý» - Halyqtyń áleýmettik osal toptaryn qoldaý


7. «Jetim balalarǵa, tolyq emes jáne kóp balaly otbasylardan shyqqan balalarǵa kómek» - «Qoǵamdy aqparattyq qoldaý» JQ


8. «Halyqty jumyspen qamtýǵa járdemdesý» - «Jer-Ana Astana» QB


9. Azamattar men uıymdardyń quqyqtaryn, zańdy múddelerin qorǵaý - «Qazaqstan tutynýshylardyń quqyqtaryn qorǵaý qoǵamy» QB


10. Mádenıet pen ónerdiń damýy - «SHQ oblystyq kitaphanashylar qaýymdastyǵy» QB


11. Tarıhı-mádenı murany qorǵaý - «Ulttyq volonterlik jeli» qaýymdastyq túrindegi ZTB


12. «Qoǵamdyq kelisim men ulttyq birlikti nyǵaıtý» - «Aýǵan soǵysy ardagerleri» odaǵy


13. «Probasıa qyzmeti esebinde turǵan adamdarǵa áleýmettik-quqyqtyq kómek kórsetýge járdemdesý» - “Quqyq” QQ


14. «Memlekettik qyzmetterdi kórsetý sapasyna qoǵamdyq monıtorıń júrgizý» - «Perishte» QB


15. Azamattyq qoǵamdy damytýǵa, onyń ishinde úkimettik emes uıymdar qyzmetiniń tıimdiligin arttyrýǵa járdemdesý – «KAMEDA» QQ