Prezident Aýǵanstandaǵy kúrdeli daǵdarys jaǵdaiynda Qazaqstannyń pragmatikalyq syrtqy saiasaty mańyzdy ekenin atap ótti.
"Soǵystan toz-tozy shyqqan bul elmen ortaq shekaramyz bolmasa da, Almaty men Kabýldyń arasy ushaqpen bir-aq saǵattyq jer.
Men TMD, Eýropalyq Odaq jáne Taiaý Shyǵystaǵy áriptesterimmen tyǵyz bailanysta otyrmyn. Eger sizderdiń memleketterińiz ben úkimetterińizdiń basshylary niet bildirse, olarmen oi-pikir almasýǵa árqashan daiynmyn.
Ázirge Aýǵanstandaǵy dúrbeleń óńirlik qaýipsizdik problemalaryna nazar aýdartyp tur. Qazaqstan zorlyq-zombylyqtyń, zańsyz esirtki ainalymynyń jáne Aýǵanstannan tys jerlerge baqylaýsyz kóship ketýdiń aldyn alý maqsatynda bul elmen yntymaqtastyq ornatýǵa daiyn", – deidi Toqaev.
Bul úshin tálipter birtutas, inkliýzivti jáne ókiletti ulttyq úkimet qalyptastyryp, ózderiniń, shyn máninde, baisaldy pozitsiia ustanatynyn jáne kelissózderge beiildi ekenin dáleldeýi qajet.
Osyǵan basymdyq bergen Memleket basshysy Qazaqstan Aýǵanstannyń óz ishinde jáne kórshilerimen tatý-tátti, beibitshilikte ómir súretin turaqty, egemen jáne birtutas memleket bolǵanyn qalaitynyn aitty.
"Biz birinshi kezekte eldegi qalyptasqan gýmanitarlyq qiynshylyqtardy sheshý úshin jańa bilikpen konstrýktivti iskerlik bailanystar ornatýǵa daiynbyz.
Halyqaralyq qoǵamdastyq Aýǵanstandy qazirgidei daǵdarys kezinde qiynshylyqtarmen betpe-bet qaldyrmaýy kerek.
Kerisinshe, biz bolashaqta Aýǵanstannyń ekonomikalyq jáne ornyqty damýy úshin barlyq is-áreketterimiz ben josparlarymyzdy jumyldyrýymyz kerek", – dedi Qazaqstan Prezidenti.
Jańa ǵana:
https://dalanews.kz/news/67610-taldykol-kolding-batpaqty-emes-taza-zhe
