Tálipter Tájikstanmen shektesetin aýdanǵa sodyrlaryn jibergen
Derekkózdiń málimetinshe, tálipter onda "Ansorýllah" tobynyń sodyrlary men Dýshanbede halyqaralyq izdeý salynǵan "tájik tálipteri" jiberilgen.
– Mahdi Arslannyń 130 sodyry Faizabadtan Shahribýzýrgqa jiberildi. Tálipterdiń 70 adamnan turatyn taǵy bir toby Shýgnanǵa jaiǵastyryldy, – dedi Tájikstannyń Taýly Badahshan avtonomdy oblysynyń shekara basqarmasynyń ókili.
Shahribýzýrgda sodyrlardyń kóbeigenin Aýǵanstannyń burynǵy áskeri qyzmetkerleri de rastaidy.
– Bir kún buryn Shahribýzýrgtaǵy jigittermen sóilestim. Olar "qonaqtar" kelgenin aitty. Men kimder dep suramadym. Olardyń sózderine qaraǵanda, sodyrlar óte kóp, – dedi ol.
"Taliban" sodyrlary bir aidan beri Aýǵanstannyń Badahshan provintsiiasynda áskeri jattyǵý ótkizip jatqany jónindegi videolar áleýmettik jelilerde tarap jatyr.
