Tálibter ózbek-tájik shekarasyna jaqyn aýdandy basyp aldy: 4 tamyz 2016

Tálibter ózbek-tájik shekarasyna jaqyn aýdandy basyp aldy

Dalanews 4 tamyz, 2016

Ótken aptada "Taliban" qozǵalysy aýǵanstandyq Qundyz provintsiiasyna qarasty Kalai Zol aýdanyn basyp aldy. Tájikstanmen shekaralas bul aýdanǵa Ózbekstan shekarasy da jaqyn ornalasqan. "Ozodlikpen" sóilesken aýǵan biligi qazirgi tańda Qundyz provintsiiasynyń kóptegen aýdandary tálibterdiń baqylaýyna ótkenin habarlady.

Jergilikti bilik málimeti boiynsha, 60 myńnan astam turǵyny bar Kalai Zol aýdanynan myńdaǵan adam provintsiia ortalyǵy - Qundyz qalasyna jáne Aýǵanstannyń basqa da óńirlerine bosyp ketti.

Ótken jyldyń kúzinde Qundyz qalasyn "Taliban" sodyrlary az ýaqytqa basyp alǵan edi. Biyl sáýirde aýǵan úkimeti, AQSh áskeriniń kómegimen, Qundyzǵa jasalǵan iri shabýyldyń betin qaitara aldy.

Shildeniń basynda AQSh prezidenti Barak Obama 2017 jyldyń basyna qarai Aýǵanstanda 8400 amerikalyq ásker qyzmetkeri qalatynyn málimdedi. Buǵan deiin Ózbekstan prezidenti Islam Karimov AQSh bastaǵan koalitsiia kúshteriniń Aýǵanstannan shyǵarylýy bul eldegi túrli toptar arasynda qaishylyqty kúsheitip, ishki janjaldy odan saiyn ýshyqtyryp jiberetinin birneshe márte eskertken bolatyn.

«QmD» aqparat

Tálibter ózbek-tájik shekarasyna jaqyn aýdandy basyp aldy

Oqi otyryńyz

Qazaqstan alǵash ret jahandyq innovatsiialyq kartaǵa engizildi

Dariǵa Nazarbaevaǵa qatysty el arasynda júrgen áńgimeniń "shyndyǵy" ashyldy

«Qazaqmys» Jezqazǵan óndiristik alańyn jańǵyrtýǵa júzdegen million dollar investitsiia salýda