2019 jyldan bastap Túrkiia Prezident janyndaǵy Kadrlyq basqarmasynyń úilestirýimen 10 túrli elde 15 ret jumys berýshiler men bolashaǵy bar jastardy jinaǵan TalentforBIZ mansap jármeńkeleri Almatyda osy jyly ekinshi ret uiymdastyrylmaq. Is-shara 2 qarasha kúni saǵat 09:00-den 17:00-ge deiin InterContinental Almaty qonaq úiinde ótedi.
Jastarǵa alǵashqy jyldan bastap jumysqa ornalasý múmkindikterin usynyp kele jatqan is-shara Túrkiia kompaniialaryn álemdik deńgeide jumys isteitin qazaqstandyq jastarmen biriktirýdi, sondai-aq stýdentter men ýniversitet túlekterine eki elde de jumysqa ornalasý, taǵylymdamadan ótý jáne bilim alý siiaqty túrli mansaptyq múmkindikterdi paidalanýǵa jaǵdai jasaýdy maqsat etip otyr.
Almatyda ótetin TalentforBIZ kórmesine Turkish Airlines, Turkish Aerospace Industries, Aselsan, Havelsan, Halk Bankasi, Türk Telekom siiaqty túrli salalardaǵy jetekshi túrik kompaniialary, sondai-aq Qazaqstanda jumys isteitin Abdi İbrahim, Esan Eczacibaşi, Ziraat Bankasi jáne Pro Yapi siiaqty kompaniialar qatysady. Is-shara jas talanttarǵa naryq kóshbasshylarymen tikelei kezdesý múmkindigin usynady; is-shara barysynda kompaniia menedjerleri men kadr mamandary tarapynan kompaniia tanystyrylymdary, suhbattar, aqparattyq sessiialar men suhbattasýlar uiymdastyrylady.
Kadrlyq yntymaqtastyq nyǵaiyp keledi
Túrkiianyń kadr resýrstaryn qurý jáne nyǵaitý salasyndaǵy tájiribesi men jetistikteriniń arqasynda Qazaqstanmen ózara is-qimyl eki el arasynda osy salany keńeitýge múmkindik beredi, jas urpaqqa mansaptyq ósý múmkindikteri beriledi, al jumys berýshilerge olardyń Qazaqstanda jumys isteýi úshin qajetti bilikti kadrlarǵa ońai qol jetkize alady. Bul protsess odaqty jáne tájiribe almasý múmkindigin qoldai otyryp, eki eldegi perspektivaly jastardyń mansabyn damytýǵa aitarlyqtai úles qosady. Halyqaralyq deńgeide kadrlar salasyndaǵy ózara is-qimyldy kúsheitý maqsatynda is-shara biyl jetekshi álemdik ortalyqtarda ótkizilýdi jalǵastyrady.
TALENT GATE — úderister platformasy
TalentforBIZ mansaptyq is-sharalaryna qatysýǵa ótinimder túrik tsifrlyq platformasy Talent Gate arqyly qabyldanady. Osy platforma arqyly qatysýshylar is-sharaǵa tirkelip, TalentforBIZ aiasynda ótetin jumys jáne taǵylymdamadan ótý úshin suhbatqa ótinim bere alady. Qatysýshylardyń belgili bir laýazymǵa ótinim berýi úshin, óz qyzmeti týraly anketany Talent Gate júiesinde tolyǵymen toltyrýy jáne paraqshany únemi jańartyp otyrýy usynylady.
Is-shara týraly tolyq aqparatty Talentforbiz.org resmi saitynda jáne @talentforbiz áleýmettik jelileri arqyly bilýge bolady.
