Taldyqorǵanda sintetika taratýmen ainalysty degen kúdikpen erli-zaiypty ustaldy, dep habarlaidy dalanews.kz.
Jedel izdestirý is-sharalary barysynda politseiler Taldyqorǵanda sintetikalyq esirtkini ótkizýmen ainalysty degen kúdikpen erli-zaiyptyny ustady. Olar - Almaty qalasynyń 33 jastaǵy turǵyny men Almaty oblysynyń 43 jastaǵy turǵyny.
Tergeý málimetine sáikes kúdiktiler messendjerlerdiń biri arqyly kýratordan nusqaý alyp, tyiym salynǵan zattardy jasyryn oryndarǵa qaldyryp júrgen. Jeke tintý jáne keiingi tergeý áreketteri barysynda olardan untaq tárizdi zat salynǵan oramalar, sondai-aq, esirtkilerdi ólshep-oraýǵa jáne taratýǵa arnalǵan zattar tárkilendi.
Taldyqorǵan qalasynda ýaqytsha turyp jatqan mekenjailarynda júrgizilgen tintý kezinde qosymsha esirtki men olardyń zańsyz qyzmetpen ainalysqanyn aiǵaqtaityn qural-jabdyqtar anyqtalǵan.
"Tergeý nátijesinde zańsyz ainalymnan jalpy salmaǵy 260 gramm mefedron tárkilendi. Kúdiktiler ýaqytsha ustaý izoliatoryna qamaldy. Qazir sotqa deiingi tergep-tekserý amaldary jalǵasyp jatyr", - dedi politsiia.
