Taldyqorǵannyń basty kóshesine Nursultan Nazarbaevtyń esimi berildi
Kúni keshe ǵana taǵaiyndalǵan jańa Memleket basshysy Qasym-Jomart Toqaevtyń usynysy boiynsha, Almaty oblysynyń ortalyq qalasynyń basty kóshesine Qazaqstannyń Tuńǵysh prezidenti, «Halyq qaharmany» ataǵynyń iegeri Nursultan Nazarbaevtyń esimi berildi, – dep habarlaidy óńirlik kommýnikatsiialar qyzmeti.
Taldyqorǵan qalasynyń eń uzyn ári basty kóshesi buryn «Táýelsizdik» dep atalǵan. Onyń jalpy uzyndyǵy 6,8 km, eni 16-18 m. Kóshe qalanyń bir shetinen ekinshi shetine deiin jalǵasady. Onyń boiyna qalanyń eń kórikti nysandary men tarihi eskertkishteri ornalasqan.
Atap aitar bolsaq, qazaq bilerine arnalǵan «Úsh ata» eskertkishi, qazaqtyń belgili aqyn-jazýshysy Ǵali Ormanovtyń biýsti, qazaq batyry Qarakerei Qabanbaidyń jáne taǵy da basqa eskertkishter. Al eń kórikti nysandar: Ortalyq saiabaq, «Akvapark» demalys orny, I.Jansúgirov atyndaǵy ýniversitet, 5 kolledj, 2 orta mektep, ortalyq alań, mádeniet saraiy, murajai jáne t.b.
Merýert MAHMUTJAN
