Taldyqorǵan qalalyq sotynda qyzmet babyn paidalana otyryp, alaiaqtyqpen ainalysty degen kúdikke ilingen prokýrordyń isi qaraldy, dep habarlaidy Dalanews.kz.
Sot barysynda eks-shendi tanysynyń qylmystyq isin ońdy sheshýge kómektesýge ýáde berip, onyń 2 mln teńgege jýyq qarajatyn alaiaqtyq jolmen alǵany dáleldendi.
Sottalýshy óz kinásin moiyndap, kelgen ziiandy tolyq ótegen. Jábirlenýshi sottalýshyny keshirgen.
Sýdia burynǵy prokýrordy kináli dep tanyp (QR QK 190-bap 3-bólim, 2 tarmaq), oǵan 19 463 180teńge aiyppul túrinde jaza taǵaiyndady.
"8 maýsym A. Taldyqorǵan qalasynda bola turyp, oblystyq prokýratýranyń memlekettik aiyptaýdy qamtamasyz etý basqarmasynyń laýazymdy tulǵasy, prokýror bola tura, óziniń qyzmettik babyn paidalanyp aldaý arqyly bótenniń múlkin jymqyrý maqsatynda qylmystyq maqsatty kózdegen.
Osy maqsatpen A. qyzyqtyrǵan qylmystyq isti ondy sheshýge kómektesýge ýáde berip, óziniń tanysy K-ny jańylystyrǵan. Alaida, A-nyń isti tergeýge qatysýǵa eshqandai nieti bolǵan joq. Osylaisha A. onyń 1,9 mln teńgeden astam qarajatyn alaiaqtyq jolmen iemdendi", - delingen qalalyq sottyń habarlamasynda.
