Forým barysynda I. Jansúgirov atyndaǵy Mádeniet saraiy foiesinde oblystyń ár qiyrynda óndirilgen túrli ónerkásip taýarlarynan kórme uiymdastyryldy.
Kórmeni aralaǵan oblys ákimi A. Batalov forýmnyń ashylýynda quttyqtaý sóz sóilep, óńirdegi óndiris salasynyń, biznestiń damýy jaily baiandady. Kásipkerlikti qoldaý sharalaryna da toqtalyp ótti.
- Memleket basshysy otandyq taýar óndirýshilerdiń aldyna ónim sapasyn halyqaralyq standarttarǵa sai shyǵarý týraly zor mindetter qoidy. Basym salalarda básekege qabiletti eksporttyq óndiristi damytý týraly talap qoiylýda. Sonymen qatar 2050 jylǵa qarai shikizattyq emes eksport kólemin eki esege arttyrý júktelip otyr. Oblysymyzdaǵy kásiporyndardyń áleýeti zor. Eń bastysy, maqsatty jumys isteýimiz qajet. Ol úshin memleket tarapynan barlyq qajetti jaǵdailar jasalǵan. «Qazaqstannyń úzdik taýary» aimaqtyq kórme-konkýrsynyń barlyq qatysýshylaryn quttyqtap, respýblikalyq baiqaýda jeńis tuǵyrynan kórinýlerińizge tilektespin, - degen A. Batalov munan keiin jeńimpazdardy marapattaý rásimin atqardy.
[caption id="attachment_28387" align="aligncenter" width="640"]
Jalpy júldegerler 4 atalym boiynsha marapattaldy, olardyń árqaisysynda 3 júldeli oryn belgilengen. Máselen, «Óndiristik baǵyttaǵy úzdik taýar» nominatsiiasynda I oryndy «Jarkent krahmal-sirne zaýyty» JShS, «Úzdik azyq-túlik taýary» nominatsiiasynda «Lepsi ónimderi» JShS, «Halyqqa arnalǵan úzdik taýar» atalymynda «Abdi Ibrahim Global Farm» JShS úzdik dep tanylsa, qyzmet kórsetýshi úzdik mekeme retinde «Jetisý jaýharlary» JShS ataldy.
2-shi jáne 3-shi oryndarǵa ie bolǵan kásiporyndar ishinde azyq-túlik, qurylys materialdaryn shyǵaratyn, kiim tigetin jáne basqa da ónimder óndiretin nysandar bar. Jeńimpazdarǵa 100 jáne 150 myń teńgeniń sertifikattary tapsyryldy. Birqatar kásipkerler oblys ákiminiń alǵys hatymen marapattaldy.
Konkýrsqa qatysýshylar men jeńimpazdardy Kásipkerler palatasy Almaty oblystyq filialynyń direktory Lázzat Chinkisbaeva quttyqtap, oblys kásiporyndarynyń respýblikalyq baiqaýda laiyqty deńgeiden kórinetinderine senim bildirdi.
Konkýrsqa qatysýshylar atynan jemis shyryndaryn shyǵaratyn «Apple World»JShS direktory, «Úzdik azyq-túlik taýary» nominatsiiasynyń 3-oryn jeńimpazy Dáýren Álibaev sóz sóilep, memlekettik qoldaý sharalarynyń nátijesin kórip otyrǵandaryn tilge tiek ete kele, áriptesterine respýblikalyq konkýrsta sáttilik tiledi.
Jalpy, biylǵy jyly konkýrstyń aimaqtyq kezeńine Almaty oblysynyń 50 kásiporny qatysqan. Endi laýreattar Astanada ótetin «Qazaqstannyń úzdik taýary - 2017» kórme-konkýrsynyń respýblikalyq kezeńide baq synaityn bolady.
Atap ótsek, Almaty oblysynda 700-den astam ónerkásip oryndary bar, olarda 30 myńnan astam turaqty jumys orny ashylǵan. 2016 jyly ónerkásip óniminiń kólemi 650 mlrd. teńgege jetip, sońǵy 5 jyl ishinde 1,5 esege artqan. Transulttyq kompaniialardyń qatysýymen 20-dan astam kásiporyn jumys isteidi. 40-tan astam ónerkásip orny eksporttaýshy bolsa, olardyń ónimderi álemniń 42 eline tasymaldanady.
