Taldyqorǵan qalasynyń sanitarlyq-epidemiologiialyq baqylaý departamenti basshysynyń orynbasary Sáken Meldebaevtyń aitýynsha, demalys kúnderi azyq-túlik ónimderin satýdy qospaǵanda, qoǵamdyq kólik, qoǵamdyq tamaqtaný obektileri, SPA-ortalyqtar, trenajer zaldary, sport nysandary fitnes-ortalyqtar, basseinder, qoǵamdyq monshalar, saýnalar, sondai-aq barlyq saýda bazarlary/dúkenderdiń jumysy toqtatylady.
«Mamandandyrylǵan avtomobilderdi qospaǵanda jáne halyqtyń tynys-tirshiligin qamtamasyz etetin kóliktiń kez kelgen túriniń qozǵalysyn toqtata turý, sondai-aq belgilenbegen jerlerde, Gaýhar Ana jáne Birjan sal kóshelerinde saýdaǵa jol bermeýdi qamtamasyz etý. Joǵaryda kórsetilgen talaptardy buzý nemese oryndamaý anyqtalǵan jaǵdaida, Qazaqstan Respýblikasynyń qoldanystaǵy zańnamasyna sáikes, onyń ishinde profilaktikalyq sipattaǵy sharalardy qoldanylady.Osy qaýly 2021 jylǵy 15 Qańtarda 00 saǵat 00 minýttan bastap kúshine enedi.
Aita ketý kerek, Taldyqorǵan qalasynan bólek, Almaty oblysynyń Kóksý jáne Eskeldi aýdandarynda lokdaýn rejimi iske qosylady. Jańa jyldyq demalys kúnderinen keiin Taldyqorǵan qalasyndaǵy koronavirýstyq infektsiiasyna shaldyǵý kúrt ósken. Saldarynan, epidemiologiialyq jaǵdaidy baǵalaý matritsasyna sáikes qala «qyzyl aimaqta», al Kóksý, Eskeldi jáne Panfilov aýdandarynda «sary aimaqta» qalyp otyr.
