Taldyqorǵan qalalyq sotynda para alǵan bólim basshysyna qatysty qylmystyq is qaraldy, dep habarlaidy Dalanews.kz.
Sotta anyqtalǵandai, eńbek jáne halyqty áleýmettik qorǵaý komiteti departamentiniń meditsinalyq-áleýmettik saraptama bóliminiń basshysy deldaldar – Panfilov aýdandyq aýrýhanasynyń travmatology, Sarqan aýdandyq aýrýhanasynyń psihiatry jáne Aqsý aýdandyq aýrýhanasynyń ÝZI dárigeri arqyly bes adamǵa múgedektikti belgileý jáne uzartý úshin birneshe ret 450 myń teńge kóleminde para alǵan.
“Bólimniń burynǵy basshysy QK-niń 366-babynyń 3-bóliginiń 4-tarmaǵy boiynsha 8,7 mln teńge aiyppul tóleýge, travmatolog QK-niń 368-babynyń 2-bóligi boiynsha 9 million teńge aiyppul salýǵa, psihiatr men ÝZI dárigerine QK-niń 368-babynyń 1-bóligi boiynsha sáikesinshe 300 myń teńge jáne 700 myń teńge aiyppul salýǵa jaza taǵaiyndaldy jáne bes para berýshige Qylmystyq kodekstiń 367-babynyń 1-bóligi boiynsha 450 myńnan 1,5 million teńgege deiin aiyppul salyndy”, – delingen sot habarlamasynda.
Aiyppuldy tóleýden jaltarǵan jaǵdaida tólenbegen bóligi bas bostandyǵynan aiyrý jazasyna aýystyrylady.
Úkim zańdy kúshine engen joq.
