تالدىقورعان قالالىق سوتىندا پارا العان ءبولىم باسشىسىنا قاتىستى قىلمىستىق ءىس قارالدى، دەپ حابارلايدى Dalanews.kz.

سوتتا انىقتالعانداي، ەڭبەك جانە حالىقتى الەۋمەتتىك قورعاۋ كوميتەتى دەپارتامەنتىنىڭ مەديسينالىق-الەۋمەتتىك ساراپتاما ءبولىمىنىڭ باسشىسى دەلدالدار – پانفيلوۆ اۋداندىق اۋرۋحاناسىنىڭ تراۆماتولوگى، سارقان اۋداندىق اۋرۋحاناسىنىڭ پسيحياترى جانە اقسۋ اۋداندىق اۋرۋحاناسىنىڭ ۋزي دارىگەرى ارقىلى بەس ادامعا مۇگەدەكتىكتى بەلگىلەۋ جانە ۇزارتۋ ءۇشىن بىرنەشە رەت 450 مىڭ تەڭگە كولەمىندە پارا العان.

“ءبولىمنىڭ بۇرىنعى باسشىسى قك-نىڭ 366-بابىنىڭ 3-بولىگىنىڭ 4-تارماعى بويىنشا 8،7 ملن تەڭگە ايىپپۇل تولەۋگە، تراۆماتولوگ قك-نىڭ 368-بابىنىڭ 2-بولىگى بويىنشا 9 ميلليون تەڭگە ايىپپۇل سالۋعا، پسيحياتر مەن ۋزي دارىگەرىنە قك-نىڭ 368-بابىنىڭ 1-بولىگى بويىنشا سايكەسىنشە 300 مىڭ تەڭگە جانە 700 مىڭ تەڭگە ايىپپۇل سالۋعا جازا تاعايىندالدى جانە بەس پارا بەرۋشىگە قىلمىستىق كودەكستىڭ 367-بابىنىڭ 1-بولىگى بويىنشا 450 مىڭنان 1،5 ميلليون تەڭگەگە دەيىن ايىپپۇل سالىندى”، – دەلىنگەن سوت حابارلاماسىندا.

ايىپپۇلدى تولەۋدەن جالتارعان جاعدايدا تولەنبەگەن بولىگى باس بوستاندىعىنان ايىرۋ جازاسىنا اۋىستىرىلادى.

ۇكىم زاڭدى كۇشىنە ەنگەن جوق.