Búgin Astana kúni qarsańyndaAlmaty oblysy ákimi Amandyq Batalov Taldyqorǵan qalasyndaǵy 6-shaǵyn aýdanda 168 jańa páterdiń kiltterin tapsyrdy, - dep habarlaıdy Almaty oblysy ákiminiń baspasóz qyzmeti.
- «Nurly jol» memlekettik baǵdarlamasy aıasynda Astana kúniqarsańyndabúgin úlken qýanyshqa kenelip otyrsyzdar. Bul jańa shaǵyn aýdandarda kún sanap turǵyn úıler qatary kóbeıip keledi. 1700 oryndyq jańa mektep salyna bastady. Jaqyn arada júzý baseıniniń, jeńil atletıka manejiniń qurylysyn bastaımyz. Sondyqtan aldaǵy ýaqytta da mundaı qýanyshtar jalǵasa beredi dep oılaımyn. Jańa qonystaryńyz qutty bolsyn! – dedi A. Batalov.
Qonys ıeleriniń atynan sóz alǵan Zarına Ábisheva memleket tarapynan jetim balalarǵa jasalyp otyrǵan qamqorlyq úshin shynaıy rızashylyǵyn bildirip, qonys ıelerine izgi tilegin bildirdi.
Sol sıaqty kópbalaly otbasy Gúlnar Altybaeva men Elmıra Erǵojanovanyń shańyraqtaryna arnaıy kirgen oblys basshysy syılyǵyn berip, qutty bolsyn aıtty.
Atalmysh komýnaldyq páterlerge qol jetkizgender qatarynda 15 múmkindigi shekteýli azamat, 33 jetim bala jáne ózge de 12 kategorıa boıynsha kóp jyldan beri baspana kezeginde turǵan azamattar bar.
