تالدىقورعاندا استانا كٷنٸ قارساڭىندا جاڭا تۇرعىن ٷي پايدالانۋعا بەرٸلدٸ
بٷگٸن استانا كٷنٸ قارساڭىنداالماتى وبلىسى ەكٸمٸ اماندىق باتالوۆ تالدىقورعان قالاسىنداعى 6-شاعىن اۋداندا 168 جاڭا پەتەردٸڭ كٸلتتەرٸن تاپسىردى, - دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
- «نۇرلى جول» مەملەكەتتٸك باعدارلاماسى اياسىندا استانا كٷنٸقارساڭىندابٷگٸن ٷلكەن قۋانىشقا كەنەلٸپ وتىرسىزدار. بۇل جاڭا شاعىن اۋدانداردا كٷن ساناپ تۇرعىن ٷيلەر قاتارى كٶبەيٸپ كەلەدٸ. 1700 ورىندىق جاڭا مەكتەپ سالىنا باستادى. جاقىن ارادا جٷزۋ باسسەينٸنٸڭ, جەڭٸل اتلەتيكا مانەجٸنٸڭ قۇرىلىسىن باستايمىز. سوندىقتان الداعى ۋاقىتتا دا مۇنداي قۋانىشتار جالعاسا بەرەدٸ دەپ ويلايمىن. جاڭا قونىستارىڭىز قۇتتى بولسىن! – دەدٸ ا. باتالوۆ.
قونىس يەلەرٸنٸڭ اتىنان سٶز العان زارينا ەبٸشەۆا مەملەكەت تاراپىنان جەتٸم بالالارعا جاسالىپ وتىرعان قامقورلىق ٷشٸن شىنايى ريزاشىلىعىن بٸلدٸرٸپ, قونىس يەلەرٸنە ٸزگٸ تٸلەگٸن بٸلدٸردٸ.
سول سيياقتى كٶپبالالى وتباسى گٷلنار التىباەۆا مەن ەلميرا ەرعوجانوۆانىڭ شاڭىراقتارىنا ارنايى كٸرگەن وبلىس باسشىسى سىيلىعىن بەرٸپ, قۇتتى بولسىن ايتتى.
اتالمىش كوممۋنالدىق پەتەرلەرگە قول جەتكٸزگەندەر قاتارىندا 15 مٷمكٸندٸگٸ شەكتەۋلٸ ازامات, 33 جەتٸم بالا جەنە ٶزگە دە 12 كاتەگورييا بويىنشا كٶپ جىلدان بەرٸ باسپانا كەزەگٸندە تۇرعان ازاماتتار بار.
